العمر ينقص والليالي سريعه
والوقت ماهو للمخاليق دايم
والعبد لوهو عاش باحلى ربيعه
لابد مايفنى ويصبح رمايم
ياالله بعفوك ياعظيمن نطيعه
رحماك يامجري هبوب النسايم
لا قالوا ان النفس عندك وديعه
لطفك وتدري بالذنوب الجسايم
عشنا وشفنا بالزمن والطليعه
عجايب الدنيا تزيد العظايم
احدن يجي ذكره براس الرفيعه
واحدن ماهو لمنهج الطيب رايم
واللي بذل جهده بمايستطيعه
وبطاعة المعبود والخير قايم
يكسب رضا ربه ويحسن صنيعه
ويعيش ما لحقه من الغير لايم
