شسوي !!¡`~

السﻻم عليكم صبايا ..
اخباركم يا بعد حيي ..♥
-
-
ودي افضفض واذا عندكم راي قولولي محتاجه رايكم :(
-
-
السالفه هي بيني وبين صديقتي أعرفها من 7 سنين تقريبا
صار بينها موقف وهي كبرته وزعلت
البنت انخطبت وللحين الكﻻم بين الحريم
طبعا هي متظايقه من هالموضوع وانا عذرتها ﻻن شعور خوف
وتناقشت معاها بهالموضوع مره وحده يوم هي قالت تبي رايي
ومن عقبها خﻻص قفلت على السالفه ﻻنه يخصها مايخصني
ورايي ماييقدم وﻻ بياخر ﻻن ذي حياتها مو حياتي وشي خاص حتى لو اني صديقتها
المهم المشكله مو هني المشكله وين قبل امس كنت بالواتس اب اشولف معاها
والله كنت اسولف ومابنيتي شي قلت لها تدرين ان اذا انخطبتي فوق خطوبتج مايجوز شرعا
وكنت حابه اقولها الي درسته ايام المدرسه بخصوص هالشي وانا نستي اني اسولف والله
هني البنت هبت فيني وشبت شوفو اسلوبها ( شفيكم انتو انتي من صوب وامي من صوب
انا قلت مابي اتزوج وكل همي دراستي ليه تشتتوني وانا قلت لج قيل هالموضوع مظايقني وقفليه
ليه تفتحينه ؟ انا مابيه وقلت لامي مابي اتزوج ﻻني مش سن زواج وتوني صغيره ..... الخ)
وكلاام ما اذكره بس الي اذكره انها هبت فيني بدون سبب وسالتها شفيج ليه معصبه .. وبعدين لو بتفكرين كذا طول عمرج مابتتزوجين
هني قالت( يكون احسن ) .. انا انصدمت من اسلوبها معاي ..وعلى فكره مو اول مره تعصب علي وتتهاوش بدون سبب واللي علي اسكت وﻻ اتكلم ولستقبل ظيقتها وعصبيتها
وللعلم دقيت انا عليها وﻻ رضت ترد وبالاخير ردت بظغط مني وكانت مصره اني متعمده اظغط عليها بموضوع زواجها واني ربطت موضوع ان لو انخطبت فوق خطوبتها مايجوز في موض ع زواجها
ويعلم ربي اني ماكان بنيتي هالشي
طبعا كبر الموضوع بسببها ﻻني اكتشفت شي ثاني يوم كلمت اختها تقولي اختها اتي انا اتشمت فيها واقول منو بياخذج !!!!
معقولة انا بقول هالكﻻم ؟ صديقتج بتتشمت فيج؟؟ طبعا هي زعﻻنه ليه مدري وحاولت ابرؤ لها موقفي البنت راكبه راسها وابرر لاختها
بس ماهزها شي
كل مره تزعل وربي والي علي انا الي اراضي وادق وهي مو مهتمه
تكفون شسوي اتركها وﻻ اقسى عليها وﻻ اتغير
يمكن تشوفون االموضوع سخيف بس ﻻنها صديقتي الوحيده اللي ياما اتحمل منها وابلع بس هي ماتتحمل مني وﻻ شي
تكفون ابي رايكم خواتي والله ماعندي اخت اخذ رايها انتو خواتي فديتكم :(