تبون الصراحه ... هذه الحقيقه !!!

تحياتي ياجمهور:
الكل يبحث ويجتهد ويتفلسف ويطلع مواضيع مره يحلل ومره يطالب بابعاد الرمز الاهلاوي ومره يطالب بابعاد الاداره ومره يطالب بابعاد المدرب والبعض يهاجم التحكيم ومره يهاجم اللاعبين ومره يلوم الاعلام الاهلاوي و و و و . لكن لو تبون تعرفون الحقيقه انا اقولكم:
انتم السبب الرئيسي في تدني مستوى النادي ليس الكل ولكن الاغلبيه من الجمهور وراح اذكر لكم لماذا؟؟؟
1/ اغلب من ينتقد تلقاه مايحضر مباريات الاهلي في الملعب اذا حضر مباراة وحده في السنة يعتبر نفسه فاهم وغيور ومحب وباقي المباريات يتابعها من خلف الشاشه او عبر المنتديات هذه هي المسانده!!!
2/ بعض الجمهور واول ما ينتهي النشيد الاهلاوي وتعدي ربع ساعه ومايسجل الاهلي او يتلقى هدف في مرماه ( يوقف في المدرج ويشمر رجوله ويديه ويطلع عيونه وينكش شعره ويبدا :
العب يابن الـ(..... )
شوت يا ابن الـ(.... )
تحركوا ياعيال الـ(.... )

بالله لو انت مكان اللاعب بأي نفس تلعب ! واي روح واي جهد راح تبذل واهلك يشتمون من غلطه وحده وتستمر لاخر المباراة...
طيب لماذا الاهلي يبدع ويفوز خارج ارضه وحتى لو خسر يخسر بشرف
حتى اللاعبين الي يغادروا النادي لماذا يبدعون في الانديه الاخرى
حتى بعض اللاعبين الي كانوا في الاهلي لو ارادو الفوز على الاهلي استفزو جمهور الاهلي ومن هنا يبدا الجمهور بالضغط على اللاعبين لغاية مايتوتر اللاعبين والنتيجة ( 7 ) كروت حمراء في سبع مباريات هذه السنه وهذا وحنا في نصف الموسم.
جمهور الاهلي الاكثر عقوبات هذه السنه ( ماهو السبب )
اذا اردتم بطولات غيروا من سلوككم ( جهة من الملعب طرب ومواويل والجهة الاخرى شتم وسب ولعن ) وتبون بطوله!!! وترتم اللاعبين والاداره والمدرب ووترتونا معاكم ( لا بارك الله من جمهور يتبع هذا السلوك اللذي لا يليق بنا على الاقل كامسلمين ) وبالطبع استثني الجمهور الاهلاوي الحقيقي من هذا السلوك المشين ) اذا اردتم بطوله نظفوا المدرج الاهلاوي من ( المتأهلويين ) وسلامتكم...