دخلي واستفيدي

السلام عليكم خولتي كويتيات
شلونكم ؟
أنا حبيت اكتب تجربتي وابيكم تستفيدون وتفيد وني
أنا صارلي سنه ونص متزوجة وللحين الله ما رزقني
واللي مخلي المشكلة تصير كبيرة بنظري أن حماي متزوج معاي بنفس اليوم وما شاء الله زوجته يابت بنت والحين حامل الله يهنيهم
بداية عرسي رحت للدكتوراه عشان التهابات العروس وطلع فيني التهابات وعطتني علاجات والحمد لله راحت بعدها بفترة أنا وريلي رحنا فحصنا ع أساس تأخر الحمل طلعت سليمه حمد لله وريلي في ضعف بالحيوانات المنوية وهرمونه الحليب مرتفع وأخذ علاجات لمدة 3 شهور وهم ما حملت
تعرفون شعور لمن انتي تكونين تنطرين شئ وبعدين مايصير شعور اليم
وأنا قاع أشوف اللي دار مداري معاهم عيالهم واللي تزوجو معاي وبعدي الله رزقهم وأنا لا اللهم لا اعتراض
المهم بعدها رفيج ريفي قاله عن أم عايد اللي برقه أن زوجته راحت لها وبعدها وبعد الله حملت ودققت عليها ورحت لها قالت لي رحمج مائل وفيج ضعف بالمبايض ومرختني وعطتني أدويه وكليتهم وما حملت بعدها قالت لي حماتي أن أهيا ما حملت إلا لمن فحصت وطلع هرمونها الحليب مرتفع وضبطته وحملت عاد قلت بروح أشوف هرموني رحت الامومه عند دكتورة اسمها ناهد وفحصت قالت لي كل شئ أوك حمد لله
بعدها قالت لي رفيجتي عن أم سعود بجابر العلي أنها وايد زينه قلت يلا نجرب رحتلها تخيلو بدون لا تفحص ولا شئ عطتني أدويه قالت لي تاخذينهم 3 دورات بعدين أشوفج وهذي مرت ثاني دوره ومافي شئ
مدحولي دكتوره هند الحمدان حيل وقلت بروح لها أن شاء الله شرايكم فيها ؟
ادري طولت وايد بس حبيت اكتب تجربتي
و شكرًا