×××× ............ وين إللي يقولون " الـعـنـوســه " .... !!!؟؟؟!!!
[grade="00008B FF6347 008000 4B0082"]
.
.
.
زارني في مكتبي يوم الإربعاء صباحاً .......
صفاته ومؤهلاته :
- جامعي ( تخصص علمي ) ومتخرج منذ سنتين
- وظيفه محترمه ومرموقه ذات دخل مرتفع نسبياً
- ملتزم ومحافظ على الصلوات في المسجد
- لا يحب السفر كثيراً (كل ماسألناه ماعندك نيه تسافر هالصيفيه يافلان قال إذا تزوجت يمدي! ) مع العلم أنه سافر كثير مع عائلته (والديه وإخوته)
- من عائلة معروفه في منطقة نجد ذات مستوى مرتفع نسبياً
- حسن المظهر ( وجهه سمح ماشاءالله عليه ووسيم)
- قبيلي ( هذه النقطه ليست لإدخال العنصرية في الموضوع ولكنها جزء لايمكنني حذفه .... فـ عذراً )
- العمر 25 سنة
- غير مدخن
.
.
نجي للسالفه .....
الرجل له حوالي السنتين وهو يخطب ..... كان مدخن .... وأول خطبه رُفض لأنه مدخن ... وترك التدخين من أول محاوله (ماشاءالله) ولم يعد له
والآن يُرفض لأسباب تافهه ( مبدأ الزواج مو في بالي .... توّه صغير .... لما تكمل البنت دراستها يكون خير ...إلخ)
أنا صاحبه وحسيت معه بالإحباط .... الرجل تفكيره ونقاشه يعطيه عمر 35 أو 40 ... عاقل ومتزن لا يخطئ في ملافظه
سألته يوم الإربعاء في آخر زياره له في مكتبي .... وش صار معك يافلان ... ردوا ؟؟... بشّـر ؟؟؟
قال : يقولون توّي صغير !!
قلت له يا أخي إنسى الزواج الحين وش لك فيه وريح راسك
قال يخوي أنا ولله الحمد مالي غلطات شباب وحافظ نفسي وهذا شي ما ودي افرط فيه وودي أكمل حياتي مرتاح ... أبغى أتزوج ... أبغى أحلى لحظاتي أقضيها مع شريكة حياتي .. عندي كثير لها وماودي يروح لغيرها ... أبغى نسافر سوا.........
،
الرجل مو طالب كثير ....... سألته : يمكن طلباتك تعجيزيه وهذا إللي حاصرك في منطقة الرفض ؟
قال بالعكس ... أنا ماخطبت إلا من مستواي أو أقل نوعاً ما ..... وطلباتي مو كثير ... محافظه ومتدينه (ملتزمه وليست متمزمته) ... طويله (لتتناسب مع طوله) ... وبيضاء ..... وبس !!
قلت حالك غريب ..... يناقضنا واقعنا كثير ....
تدري ... وشرايك نشاور الغير .... تراهم في الساحات مالهم إلا سالفة العنوسه ....
قال : إكتب يخوي وخلنا نشوف ............................ وين إللي يقولون العنوسه ؟؟؟؟!!!!! [/grade]
