-
ارحم العود
[poem=font="Arabic Transparent,4,black,bold,italic" bkcolor="transparent" bkimage="backgrounds/23.gif" border="double,4,gray" type=2 line=0 align=center use=ex num="0,black"]
يالله تقبل جابتي وارحم العــــــــــود
مرحوم حي وترحـــمه في ممـــاته
ابــــــوي ياصابر على الحمل الزود
وكل العلوم الطيبه مـــــن صـفاتــه
ابـــــــــــوي عد وياردونه هل القود
وجيران بيته ماتوحوا شـــــــمـاته
ابــــــــــوي ينصونه مناعير وفهود
ولاقيل عن ضيفه تقوبع عباتــــــه
يثنــــــي هلا في مرحبا علم مشهود
شوف الركايب ياســــعد ناصيـاتـه
ابوي ياعــــــــــــــــدٍ روي ومارود
ولا قالوا الورّاد بانت حصــــــاتــه
ان جاء نهار فيه للدرج بــــــــارود
ماقالوا اهل الجيش ضيع عصـاتـه
ابوي ينصونه ليا صـــــــــرّم العود
يقضي لهم ماقال رده وهـــــــــاتــه
ان جابت النكبا معـــــــاصير وبرود
ماقيل بيته دوب ياسع بناتـــــــــــه
له مجلس ياســـع هل الطيب والجود
فيه الـــــــدلال ونجرهن زاهيـاتـــه
وفيه الصــــحن مليان من كل ماجود
ولا يشــتكي للضيف قصة حيــاتـه
واليا تلاقوا بين ناشد ومنشــــــــــود
كل يعلــــــــــم عن عشاه ومباتــــه
قالوا نصيـــنا هن وفلان وسعــــــود
وكل بياخذ حبـــــــــته من ذراتــــه
وبعض العرب لو راح ماهو بمـفقود
كنه مسيّر يم غرفة حـــــــــــــماته
مادوروا عنده مــــــــعاريض ونقود
ولاقالوا الاجناب ياسمن شاتـــــــه
يصبر على البـــرده ولايكسـر العود
خايف من الدخان يجلــــب عداتــه
هومادرى ان الصاع بالصاع مردود
حافظ حجايا جدتــــــــه مع خواتــه
مايحسب ان البــــــخل للرجل منقود
وعدو ربه ماتفيــــــــــــده صلاتـــه[/poem][/poem]
-
وبعض العرب لو راح ماهو بمفقود
كنـه مسيّـر يـم غرفـة حماتـه
صدقت يالدويبي
رحم الله العود والف صح لسانك يالقرم على طيب قافك
شقران
-
قصيده اكثر من رااائعه
والنعم فيك وفي العود ورحمه الله رحمه واسعه
ما اجمل ما اجده هناااا
بر ووفاء وعرفان بالجميل
ابيااات قرأتها اكثر من مره وفي كل مره اصفق لهااا بحرارة .....ما اجمل مشاعرك شاعرنا الرااائع
صحححححححح قلبك ملاااييييين
-
قصيده جميله يالدويبي
ورحم الله العوود واسكنه فسيح جناته
صح لســانك وقصيده مميزة تستحق الوقف منا للحظات ونتمتع بصياغتها
تقبل تحياتيوفي انتظار جديدك
-
صح الله بدنك اخوي شقران
وطول الله عمرك وعمر السامعين والقارين
والف شكر
اخوك الدويبي
************
اختي طيف الوله
صح الله قلبك
وماعليك زووووووووود
ومثل ماعودتيني انك تكونين متابعه لكل ماكتب انا
اكون شاكر لك مليوووووووووون
اخوك الدويبي
***********
اخوي عذب الاوهام
صح الله بدنك
الله يجزاااك الف خير
ويعطيك العافيه على متابعتك لي
والف شكر
اخوك الدويبي
