إلى كل أهلاوي يهمه مصلحة الكيان ومستقبل الفريق الأول !!

الأهلي سيواجه غدا بمشيئة الله فريق الفتح في دور ال8 لكاس ولي العهد .. وهي مباراة مهمة جدا والفريق الفائز سيتأهل مباشرة لدور ال4 .. وهي مباراة خرووووج مغلوب ومباراة واحدة فقط بدون إياب ..

اللي أبغى أقوله .. يعني المبارة جدا صعبة .. صحيح الفتح هذا الموسم سيء جدا ومستواه تراجع كثيييييييير .. ولكن يبقى فريق محترم وما يستهان فيه ..

في حالة الهزيمة من الفتح لا قدر الله وخرجنا من كاس ولي العهد .. أتمنى ما نجري خلف الإعلام المعادي للأهلي بتضخيم أخطاء المدرب والمطالبة برحيله والضغط على الإدارة بورقة الجمهوووووووور المؤثرة ..

أوكي بيريرا أخطأ في إبعاد نجوم الفريق وتفريغ الهجوم من أبرز اللاعبين .. أوكي بيريرا عنده أخطاء في التشكيل وتغييير مراكز اللاعبين ,. أوكي بيريرا له أخطاء في التغييرات وإشراك بعض الأسماء ووووو ..

مافي مدرب بدون أخطاء أبدا .. لكن يا جماعة لما متى ندوووور في اسطوانة شيل مدرب ,, جيب مدرب .. ..

من إقالة نيبوشا وهو محقق بطولتين من أمام الإتحاد واحنا ندووور في حلقة مفرغة ..

جانا مدرب كبير وممتاز اللي هو جاروليم وحقق كاس الملك وقدم موسم إستثنائي مع الأهلي ونافسنا ع الدوري لآخر ثانية ووصلنا لنهائي آسيا .. ولكن للأسف مر الفريق بفترة سيئة للنتائج يمر فيها أي فريق في العالم وما صبرنا عليه بقرار إداري فاشل وأحبط كل الجمهوووووووور ..

بيريرا من يوم جاء وكل الظرووووووووف ضد المدرب .. من بداية الموسم والفريق ما أكتمل من إصابات مؤثرة لنجوم الفريق أمثال كامل الموسى والفهمي وسوك ..
وغير سوء الحظ أمام المرمى + استهتار بعض اللاعبين في تضييع الأهداف المحققة والتساهل أمام مرمى الخصم .. وأخطاء تحكيمية مؤثرة جدا ..

وعدم وجود البديل الجاهز .. يعني كيف تبغوه دوري وبطولة نفس طويييل ودكة بدلاء الفريق خاوية على عروشها وضعيفة جدا ..

والله يا حبايب يا جمهور الأهلي ما أتكلم هذا الكلام الا لما شفت الحرب على الأهلي صارت علنية وعلى عينك يا تاااااااجر ..

لو تلاحظون في أغلب وسائل الإعلام من صحف وبرامج وإعلاميين .. أكثر ناس ينتقدوا بيريرا ويطالبون بإقالته هم أكبر أعداء الأهلي ..

مثل برنامج وليد الفراج وكل ضيوفه .. كلهم مركزين على أخطاء بيريرا وتضخيمها وأنها كوارثية ووووووووو الخ ..
بالله ناس مثل النوفل والفراج والتويجري والبكيري والملحم هدفهم مصلحة الأهلي وهمهم هو عودة الأهلي .. فكروووو بعقلانية شوي ..

وهذي صحافة الإتحاد مثل صحيفة النادي وعكاظ والمدينة وكلنا نعرف مسؤوليها .. كلهم إتحاديين متعصبين جدا .. شغالين تكريس ليل نهار على إنو بيريرا فاشل ومتغطرس ووووو الخ .. وتطالبه بإقالته عشان نرجع لنقطة الصفر ونبحث عن مدرب للفريق ..

إيضا صحافة الهلال وكلنا نعرف تأثير إعلام الهلال في الشارع الرياضي .. وحتى هم يضغطون على الإدارة ويضخمون مؤتمراته الصحفية وإنو لازم يتعاقب وإلى آخره ..

الخلاصة يا حبايب مهما كانت نتيجة مباراة الغد .. في حالة فوز الأهلي فالحمد لله وبإذن الله فالنا البطولة يارب .. وفي حال لا قدر الله خسر الفريق ولا تضغطوا على الإدارة بإقالة المدرب ..

مشكلتنا الأزلية في الأهلي من زماااااااااااااااااا اااااان هي الإدارة وهذي أبرز أخطاءها :

1-عدم الإستقرار التدريبي أبدا ..

2- عدم الدخول في صفقات محلية قوية ..

3- التفريط في ركائز الفريق المهمة جدا .. وكلنا نتذكر كيف راح مساعد جاروليم .. وكيف راح كماتشو بحجة سخيفة واتضح إنو كان يبغى زيادة وأعطاه البلطان ووقع للشباب ..

4- تكريس نظرية المؤامرة والتحكيم في أذهان اللاعبين والجماهير .. لها آثار سلبية جدا ..

5- غياب التخطيط وتحديد الأهداف من بداية الموسم والعمل عليها بكل جدية ..

وغيرها من الأخطاء الكثيييييييير والكثييييييييير ..

معليه طولت عليكم حبايبي .. إنما خلو بالكم من موضوع بيريرا .. ترى والله إنها لعبة إعلامية قذرة هدفها قتل إستقرار الفريق وإعادته لنقطة الصفر من خلال البحث عن مدرب جديد .. وتحميل الإدارة تبعات مالية وغيرها ..

وبإذن الله راح تكون إنطلاقتنا بكرة بالتأهل لدور ال4 وتحقيق البطولة فيما بعد يااااااااااااارب ..

لا تبخلوا بدعواااااااااااااااا اتكم .. وموفقييييييين بإذن الله

وللأسف