بعيدا عن العاطفة وياما فرحونا .. الحمدلله اللهم لك الحمد والشكر أخيرا رحل سعود كريري

هذا رأيي واتمنى عدم مصادرته .. ولازم تتقبلون الرأي والرأي الآخر .

أرجوكم ارجوكم بعيدا عن العواطف وياما فرحونا شوفو مستوى اللاعب مع الاتحاد اخر موسمين او 3 مواسم وشاهدوا كل مباراة واحكموا .. لاتجي تقلي عام 2005 او 2004 لاني ماحب اتكلم بالماضي انا اتكلم بشي واقع قدام عيوني..

وآخر شي مباراة الشباب امس ارجوكم روحو شوفو المباراة مرة ثانية شاهدوا كيف لعب كريري .. والله بارد ويتمشى في الملعب واضح انه خايف لايُصاب ! يعني كنت مستغربة الشباب مأخذين راحتهم في منطقة ومركز سعود كريري وهو يتفرج بلاعبين الشباب ويجري وراهم بس !! انا قلت مباراة الشباب امس بتكون مباراة قوية وكبيرة لكريري لكن كانت اخس مباراة . شوفو سعود كريري من بداية الموسم لاعب مستواه جدا سيئ.

ولن اتكلم عن مباراة الشباب فقط .. اتمنى تقييم للاعب في اخر موسمين او ثلاث وستجدون كلامي صحيح 100% لكن للاسف اكثركم عاطفيين وتقولوا ياما فرحونا عشان كذا محد راح يفهمني .. انا احب الاتحاد الكيان الاتحاد الكل ماراح اجامل لاعب وهو بارد ويتمشى في الملعب لو انه لاعب صغير ممكن اصبر واقول عادي يستفيد من اخطائه لكن لاعب كبير وخبرة ويغلط اغلاط بدائية او يتمشى بالملعب لا لن اسكت.

انا كنت اتمنى رحيل محمد نور وسعود كريري واسامة المولد ونايف هزازي..

لكن كنت اتمنى محمد نور يكون آخر واحد فيهم لانه هو الكابتن وهو ابن النادي وهو المؤثر في الاتحاد في السنوات الاخيرة.

كنت اتمنى اول شي يرحل سعود كريري وبعده اسامة ونايف هزازي واخر شي نور.

واتمنى اسامة المولد يرحل ويبيع عقده الاتحاد ويكسب النادي فلوس من رحيله لانه كثير الاصابات ووزنه زائد وثقيل ويصيب لاعبين الاتحاد في التدريبات .. ادارة جمجوم تتحمل عقد اسامة المولد واخطأت فيه

انا لست مع احد لن اجامل لن اجامل اهم شي مصلحة فريقي الاتحاد فقط لاغير

اللاعبين الصغار في الاتحاد خط احمر ولن ارحم اي ادارة اذا فرطت في واحد من اللاعبين الشباب