الكتاب باين من عنوانه في موضوع التعاقدات
السلام عليكم ورحمة الله وبركاتة
مرحبا بجميع الزعماء والزعيمات
كلنا نعرف الامير عبدالرحمن بن مساعد وما قدمه للهلال ولا ننكر البطولات التي حققها الهلال في عهده ولكن هناك سلبيات في الامير عبدالرحمن بن مساعد لاترضينا كجماهير عاشقه للكيان:
1- اول نقطه بتحدث عنها وهي الاهم الا وهي ضعف الادارة في جلب اللاعبين وضعف المفاوض الهلالي يعني مجرد مايدخل نادي ويزود مليون او مليونين تجد الادارة منسحبه تماما كما حدث مع الجبرين والان التفاوض مع كريري ومعاذ الى الان لم يحسموا التعاقد واعتقد انه بسبب ضعف المفاوض الهلالي واعتقد لو دخلت اطراف اخرى لانسحبت الادارة لماذا؟؟
لا احد يقول لي ان الادارة سوف تقع بمأزق مع اللاعبين الاخرين لا ياحبيبي
الا تتذكر موسم محمد بن فيصل كان ياذا حط لاعب براسه جابه وكان يدخل بمزايدات مع البلوي وياخذ اللاعب الي يبيه
فنتمنى من ادارتنا سرعة التعاقد مع لاعبين والا سترون مثل الموسم الماضي تأخر في حسم التعاقدات الين تنتهي الفترة وتطير الطيور بارزاقها
ويسكتوننا بكاس ولي العهد ويقولون احنا جبنا بطولة
جمهور الهلال يبي المنافسه على الدوري واسيا خاصة وجميع البطولات وليس بطولة واحدة فقط
الان الهلال له موسمين يطلع ببطوله واحدة فقط؟؟؟من متى والهلال يرضى ببطولة وحدة؟؟يعني لو الدوري لحاله كان ممكن لكن بطولة ولي العهد لحالها ما راح ترضي الجمهور الهلالي
والله يستر من هالتأخر اللي نشوفه في حسم التعاقدات الظاهر ماراح نشوف تعاقدات مثل الناس.
الله يكتب اللي فيه الخير للهلال.
2-ايضا ابتعاد عبدالرحمن بن مساعد عن الفريق وعدم الوقوف بجانبه ترى هذي ايضا لها دور ويجب على الامير انه يقف بجانب الفريق في الايام القادمة.
اعيد واكرر اتمنى من الادارة سرعة التعاقد مع لاعبين ولا نريد ان نفطر على بصل كما يقول المثل
واذا لم يتم التعاقد مع لاعبين في هذه الفترة فلا تتفائلوا في اي بطولة في هذا الموسم
عموما والله ماكتبت هالكلام الا اني احب هذا الكيان واعشقه كما تحبونه وتعشقوه واتمنى ان اراه في افضل حال
سبحانك اللهم وبحمدك اشهد ان لا اله الا انت استغفرك واتوب اليك
اتمنى من المشرفين تنزيل الموضوع:ba:
