اللي حصل باكشن يادوري وما احد تكلم عنه.

يا اخوان كلمة حق في ما حصل اليوم الثلاثاء من تطاول على الاهلي وجماهيره من ضيوف برنامج اكشن يادوري.
مقدم البرنامج وليد الفراج اسكتهم بكل صراحة وخصوصا النوفل اللي ركز على معاقبة جماهير الاهلي اسكته الفراج وحشره بسؤال لمن قال له ايش عرفك ان اللي يهتفون جماهير الاهلي .رد النوفل وقال واضحة ما يبغالها المباراة في ملعب الاهلي وما فيه غير جماهير الاهلي في ملعبهم. رد عليه الفراج بتهكم وقال ترى المباراة في ملعب الاتفاق بعدها تلعثم النوفل وانحشر بقوة ورجع يقول يتم التحقيق في الهتافات ومعاقبة من اصدرها سواء جماهير الاهلي او الاتفاق.
باختصار الفراج ما قبل كلام النوفل ولا التويجري ورد عليهم واحرجهم وخلاهم يتلعثمون وانا ذكرت مثال واحد من نقاشهم . وهذي كلمة حق حبيت اذكرها لان الكل زعلانين عالفراج وما احد ذكر اللي حصل. ومع ذلك انا مع ادارة نادينا في مقاطعة البرنامج بسبب استضافته لمن يعلمون بكرههم لنادينا واستماتتهم في محاربته اعلاميا.
لاحظو يا اخوان اني ما سبيت النوفل او التويجري او الفراج لان حسناتي انا احوج بها فرجاء اللي يرد لا يسب احد ما احد يستاهل حسناتكم.