نقاش مطلوب فيه اهل الحلال المعرف
اغنام - ابل - دواجن - طيور
السلام عليكم اخبار البرد البارد معكم
المهم سؤال ودي اعرف وش المغزى من ان الواحد يبيع طلي والا جفر وهو طراح بعمر اسبوع واقل يعني ان كان بتبيعه بالف والا الفين وهو توه مولود ليه ما تصبر عليه 6 شهور وبتبيعه دايركت بأضعاف مضاعفة والا تبغى الفائدة والخير يعم على الناس اجمعين وتكسبهم هههه
وزود على ذلك اللي محيرني ان الجفر او الطلي يكون معرّف فرضا انا لو عندي جفر معرف وامه ماتت ما بعته لو اروح اشتريله عنزين اخليه يمسط فالحليب لين مايطلع من اذنه يستاهل دامه بيجيب لي بعد 5 شهور 20 الف ليه استعجل عليه وابيعه طراح ب5 الاف والا 10 ال20 الف طيبه وممكن تزود تصير 30 والا 40 وهكذا
اللي اعرفه ان البدو اللي يشدون وينزلون هم اللي يبعون البهم عشان البرد بسبب عدم توفر لهم اماكن تحمي البهم من البرد فالشتاء وهذول مايجون 1 % من اهل الحلال فالسعوديه وبل بالعكس اغلب اللي يبيع من اسبوع واقل اهل الحلال المعرف عنده امكانية يستورد اجهزة تدفئة وتبريد من المانيا زات نفسا
اذا ما وراء هذا السر واتمنى ما احد يزعل من الحق لانه تساؤل منطقي وحتى لو زعل ماعلينا منه وممكن اكون فاهم الموضوع خطأ
krha l'g,f tdi hig hgpghg hgluvt
