محمد عسكري بالجيش ...
توفي أبوه وطلبوا من قائد سريته يخبره بدبلوماسية عشان ما ينصدم
قائد السرية وقف بالنص .... وحكى " اللي أبوه عايش يروح عاليمين، واللي أبوه ميت عالشمال"
محمد وقف عاليمين طبعا لانه ما عرف ان أبوه مات
قائد السريه " محمد .... عالشمال حبيبي عالشمال "
***
وحده جوزها مات .... طلبو من صديق جوزها يخبرها باسلوبه .. راح عليها حكالها
الصديق: بتعرفي بدي احكيلك شغله عن جوزك .....
الزوجة: ايش هي ؟؟؟ احكي ...
الصديق: اتجوز عليكي
الزوجة: ايش ؟؟؟ شو بتقول ؟؟؟ لاااااااااااااااااا
الصديق: لا لا بمزح معك .. هو بس مات
الزوجة: الحمد لله
***
وحده جوزها مات بحادث ....
الشرطي اللي كشف على الحادث فكر بطريقه يخبرها باسلوب حلو
حكالها : " انتي أرملة محمد ؟؟؟ "
الزوجة: " لا "
الشرطي: " تشارطي ؟؟ "
***
وحده جوزها متغرب ... يشتغل برا ... الله أخذ وداعته .. ومات .
حكو لصاحبه يبلغ مرته وما يصدمها ... راح عليها وحكالها :
الصاحب: " كيفك ام محمد .. ايمتى شفتي جوزك آخر مره "
ام محمد: " والله من اربع شهور "
الصاحب: " بقطع ايدي اذا بتشوفيه مره ثانيه "
