بعير اشقح ...اباعر حريب التمر الساس...والوسم عمير....للبيع او التمنح
اغنام - ابل - دواجن - طيور
بعير ساسه يعود لاباعر حريب التمر وعليه وسم عمير القحطاني ....شاق ناب وقد انكسر لحيه وعالجوه اهله وطيب ولا يشكي من شي...شريته من رجال من سنتين ...وله سنتين الرجال نفسه ياخذه مني يتمنحه ويضرب به كل شتا ويرده لين تعاشرت ابله....اللي يبي يشوف انتاجه اعطيه رقم الرجال يروح له ويشوف بعينه.... عندي انا اضرب له ناقة حمرا وشقحا وجاب على الوان اماته قعودين كايفين ارفع من الامات بواجد.والظن ان عمير ماهوب واسم بعير فاشل ....والظن ان الرجال اللي باعنيه وعود يتمنحه مهوب طالبه مني مرتين الا لاجل انه جايز له انتاجه .....ولكن انا جا لي بعير كفو واستديت منه وسمح الخاطر من الاشقح....ماله عندي الا صورة قديمه في القيظ الا عنده واتسب يروح لي رقمه اروحه له....واللي يبي يشوفه محله هو الحين عند الرجال اللي شريته منه حول رماح وقده خلص منه ومكلمني ينشدني وين يوديه...الصامل يرسل لي رقم جواله واعطيه رقم الرجال يمررره ويشوفه بعينه. ولا عليه سوووم .....ولا عرضته الا اليوم.
واللي يبيه بيع اهلا وسهلا واللي خاطره في منيح فابرك واسعد...والله يكتب الخيرة لكل مسلم.
fudv harp >>>hfhuv pvdf hgjlv hgshs>>>,hg,sl uldv>>>>ggfdu h, hgjlkp
