دروب الشك ................(2)
تكلمنا عن رؤيتنا للأشياء في الموضوع الأول ..
واتفقنا إننا ما نشوف الأشياء كما هي ..
واليوم راح نتكلم عن جانب مختلف.. وهو (المكان) .
وكالعادة نبدأ بسؤال ..
السؤال :- هل نستطيع تحديد مكان أي شيء تحديدا ثابتا دقيقا ؟؟
الجواب :- بالتأكيد ... لا .
افرض معي ان فيه واحد مسافر على ظهر سفينة في البحر..
إذا بغينا نحدد مكانه فراح نحدده بالنسبة لشيء ثابت مثل قمرة
القيادة في السفينة..
وراح نقول انه يبعد كذا متر عن قمرة القيادة ..
وهذا غلط.. لان قمرة القيادة تتحرك مع السفينة اللي تتحرك في
البحر .. وليست ثابتة في مكان واحد محدد ..
اجل وش نسوى ؟؟؟
نحدد مكان هالراكب بالنسبة لموقعه في الأرض ..
فهو على تقاطع خط طول كذا مع خط عرض كذا ..
وهذا برضه خطأ ..
لأن الكره الارضيه أصلا تتحرك حول نفسها وتتحرك مع
الكواكب حول الشمس..
طيب.. نحدد مكانه بالنسبة لمكان الشمس..
الشمس بعد تتحرك مع مجموعتها الشمسية.. حول مركز مدينتها
النجمية ..
ولو حددنا مكانه بالنسبة لمركز المدينة النجمية.. فالمدينة النجمية
مجرد جزء من مجرة كبيرة هي مجرة درب التبانة..
ولو بغينا نحدد مكانه بالنسبة إلى مجرة درب التبانة..
لقينا ها لمجرة تتحرك مع مجرات..
والمجرات كلها مدري وبن تدور فيه.. المهم إنها تدور في الكون حول شي معين .. العلم وقف عنده .. وما نبي ندخل في تفاصيله ..
المهم .. إن مكانك يتغير كل لحظه .. كل ثانيه ..
والمكان في الكون اللي تكون فيه اللحظة اللي تقرأ فيها ها لكلام
يمكن ما عاد ترجع له ابد الآبدين ..
والموضوع الجاي راح يكون عن الوقت والزمان ..
وللموضوع تتمه ..
شكرا للجميع ..
اخوكم الصغير
مغربل
