سبب موت الصيصان المفاجئ في هذه الايام
اغنام - ابل - دواجن - طيور
السلام عليكم ورحمة الله وبركاته
مساكم الله بالخير اخواني
اشتكى بعض الاخوه من مشاكل موت الصيصان المفاجأه
الاسباب:
البرد او
ضعف المناعه او
تحجر فالامعاء
حل البرد سهل وهو ان تغطي عليهم وتمنع الهواء من الدخول وتشغل عليهم لمبه صفراء (لاكن اللمبه تسبب لهم تحجر في الامعاء وسأكتب حل المشكله تحت)
ضعف المناعه حله ولا اسهل فيتامين فالمويا وصلى الله وبارك
اما تحجر المعده (تسبب في موت اكثر من٦٠صوص عندي) ولكم السبب والحل
كلنا نعرف ان طبيعة المخلوقات هي النوم بالليل والدواجن بالخصوص تهضم اكلها بالليل فإذا شغلنا اللمبه ٢٤ ساعه وش الفايده ياكلون وياكلون وياكلون بدون هضم ويموتون بتحجر الامعاء
اما الحل فهو انه بعد اذان المغرب او العشاء او بعد العشاء طفي عليهم اللمبه مدة ٢-٤ساعات او اذا انت مو عندهم خلها مطفيه واذا رحت لهم الساعه ٨ الساعه١٠ شغلها ولازم كل يوم تسوي كذا
وبكذا ما بيموتوا عليك وبنفس الوقت تسمنهم عشان ياكلون طول الوقت عدا وقت الظلام
ملاحظه:لاحد يقول لي سويت الي انت قلت لي عليه ولسه يموتون اقول له يالغالي الي يموتون هذول تأثروا بسبب الايام السابقه فأول يومين تبدأ في هذا النظام اكيد بيموت عندك عدد بسيط وبعدها ان شاء الله يبارك لك في حلالك وما تشوفهم غير بافضل صحه
نصحيه معروفه الصيصان لا تخليهم ولا يوم بدون فيتامين او مقوي وبهذا اختم كلامي
وشكرا،،،،
sff l,j hgwdwhk hglth[z td i`i hghdhl
