اذا كنت بيضا وجميله تاخذين اسمر؟

السَّلامُ عَلَيْكُمْ وَرَحْمَةُ اللَّهِ وَبَرَكاتُهُ
اشلونكم بنات شخباركم ؟
بماانه قسم متزوجات حبيت اخذ رايكم
اذا كنت بيضا وجميله وطويله وضعيفه مو ناقصج شي
هل توافقين تاخذين واحد اسمر عادي بس مملوح وشعره زين
يعني ملامحه عاديه ناعمه بس اسمراني وانتي افتح منه بدرجات ،..
بنات انا صارت لي مواقف كثيره وكرهت الخطبه وزهقت لدرجه اني
يصيبني اليأس مرات انا مسحوره بسحر تعطيل الزواج ربي لك الحمد
وفيني نفوس عايلتنا ابوي مايرضا يزوجني من العايله اذا انخطبت
علطول يرفضونه حتى من غير علمي شباب عايلتنا مزايين وحلوين وبيض
وفي حنطاويين عاديين بس الحين انا كبرت واغلبهم تزوجوا وصار عندهم عيال
حتى اللي كانوا يتمنوني ،.. واحنا عايلتنا يتزوجون صغار خلاص مايتحملون
بسرعه يطولون ويعرضون ويشوفون نفسهم كبروا
والبنات يتزوجون بسرعه وانا صار عمري 23 ،..
تقدمولي شكثر وكانوا عاجبين فيني فجاه يتفركش كل شي ومايتم
حتى وحده شافتني قالت ماشاءالله لا اله الله يوم خطبتي وماتت علي
وشافني ولدها وعجب فيني ودقت ع امي قالت تكفين وافقوا ولدي عجب فيها
وبعدها ماتمت السالفه وكل يوم على هالحال لمن اكتشفت اني مسحوره بتعطيل زواج
وبديت اعالج بالقران وعند مشايخ واقرا البقره وهذي حالتي مريت بماساه وظروف صعبه حيل
ايام مااتعالج كنت اسمع ناس يبون يخطبون وكلام من بعيد لبعيد بس محد يقرب
وانذكر عند ناس ع اساس بيجون ويتصلون وكلش مافيه
يمكن 6 عوايل سمعت انهم يبوني يخطبوني والله ولا دقوا
ومرة رحت استقبال وشافتني وحده طيرت فيني وتبيني لولدها وسالتني
كم سوال ومستانسه علي بس خافت ان احنا اصلنا احسن منهم ونرفضها ،..
المهم يا بنات انا مع المعاناه اللي مريت فيها بديت اشك اني ماراح يجي يوم اتزوج فيه
بس طبعا الحمدلله عندي ايمان كبير وقوي بالله انه كريم وكبير وعظيم ومدبر الامور
وانه سبحانه ياخذ ويعطي ويعوض الانسان ،..
مشكلتي اني احس رغبتي للزواج زايده حيل ولا تقولون لي نمي هواياتج
وارسمي ولوني وادرسي قسم بالله كل شي مايسد الشي اللي افكر فيه
وجربت كل شي حتى كروشيه رحت اتعلم عشان انسى افكر بالزواح
بس مااقدر ان حيل اشتهي وياليت ماتفهموني غلط بس هذي فطره وغريزه وهم
لاني محسوده ع اخلاقي ومسحوره بسحر تهييج وسحر فواحش
ماتتخيلون شكثر اتهيج واشتاق للفواحش لان خيالي مااقدر اسيطر عليه
والله لمن اسمع قران اتهيج اكثر وعيوني تدمع واتعب حيل ،...
المهم تقدملي واحد كان مزيون ابيض عريض طويل
اصله وعايلته وايد زينين ونسبهم حلو اخوي استانس وعجبه
حيل واهلي طايرين فيهم لان حسب ونسب وجمال
بس ماتمت السالفه بسبب اللب فيني ماكنت ادري
بعدها جاني واحد ملك جمال ابيض حيل واحمر وملامحه حلوووه حييل
وملتزم ومتدين ومربي اللحيه لدرجه ان جماله فتنه وبياضه احس مو طبيعي
من شده البياض مثل اللبن ماشاءالله اللهم بارك الله لا يضره
عجب فيني وعلى اساس يصير بس ماتمت السالفه لاني ماكنت اقرا البقره
ولا ادري اني مسحوره ،..
ظليت فتره ماانخطب كنت اتعالج
بعدها الحمدلله الحين في واحد يبي بس اهلي كلش مو متحمسين
واحسهم متكبرين عليه والكل قام يتدخل ويعارض انزين ليش اشفيكم ؟؟
والله الرجال اسلوب ومنصب وشهاده ودين واخلاق بس مو حلو واسمر :/
واخوي خايف ان باجر النسل يخترب واحنا نبي نعدل وبيتنا حلوين ومملوحين
وخواتي منهم شقر وبيض وخواني عاديين بس ابوي اسمر حيل فهذا اللي خلاني ارضا فيه
والرجال مايعيبه شي بس اهلي كله يفكرون ان يعدلون النسل ويجملونه اكثر
وانا مافيني شي ولوني فاتح يعني هذا بيني وبينه درجات وايد فعشان جذي رافضين
انا استخرت وارتحت له الحمدلله وموهامني الشكل راضيه فيه
بس كلام اهلي خلاني احتار شوي وافكر واتردد وتعبت وانا افكر وخالاتي وخوالي تدخلوا
بالموضوع ومو عاجبهم عالشي وهم فروا مخ اخوي عدل يعني هو بدل مايفكر بالستر
وانه يشتري الرجال السنع يفكر اعيالج شلون يطلعون سمر عادي عندج ؟؟ استغفرالله يارب
تعقدت من هالسالفه بنات رايكم تكفون
ولو كنتو مكاني تتقاضون عن اللون ؟ وتوافقون او لا
انا اقولكم بصراحه كنت اتمنى اتزوج ابيض وكل اللي اخطبوني بيض ومزايين
بس الفرص مو كل يوم تجي ومااضمن يمكن اذا رفضته ماانخطب كلش
انا صج كنت ابي ابيض عشان عيالي يطلعون بيض
بس لمن استخرت ارتحت وعادي عندي اخذ اسمر