قصيدة ألقيتها أمام صاحب السمو الأمير سلطان بن فهد الرئيس العام لرعاية الشباب
هذه القصيده تشرفت بألقاءها أمام صاحب السمو الملكي الأمير سلطان
بن فهد بن عبد العزيز الرئيس العام لرعاية الشباب أثناء زيارته لوادي
الدواسر لوضع حجر الاساس للمدينه الرياضيه الذي سوف تنشاء بوادي الدواسر
وسوف تعرض القصيدةعلى القناة الرياضية بالتلفزيون السعودي
[poem=font="Simplified Arabic,4,black,bold,normal" bkcolor="transparent" bkimage="backgrounds/23.gif" border="none,4,gray" type=0 line=0 align=center use=ex num="0,black"]
(هلا سيدي سلطان حييت يا سلطان)
===
ولا يا الله أني طالبك يا رفيـع الشـان=يا علام مـا تخفـي سرايـر مخفيهـا
عظيم الرجاء سبحانك الواحد الرحمان=كريمِِ بيدك الكـون والخلـق محصيهـا
ومن بعدها يا هاجس الشعر وقتك زان=عليك أتخيـر كـل جزلـه وعطنيهـا
ترى الموقف الغصاب يحكم على ابـان=وأوقف وأجيب الطيبة واعتنـي فيهـا
واصوغ المثايل وأتخيـر بكـل إتقـان=جزال المعاني عاشقتني وانـا أبغيهـا
انا أجيبها وأتخيـر ألؤلـؤ والمرجـان=على شان خاطر سيدي جيـت أغنيهـا
وأثني بك الترحيب والعلم لـه برهـان=براهيـن ترحيبـي ورودِِ لـك أهديهـا
بزيارة سموك غـرد الطيـر بالألحـان=وبنات الفكر يا سيـدي جـت تغنيهـا
وترقص طرب في محفل الشعر فالميدان=وهذا هوى نفسي على كيـف راعيهـا
هلا سيدي سلطان حييت يـا سلطـان=ويا مرحبـا والعيـن تفـرح بغاليهـا
مشاعر محبك رحبت بك غلا صفطـان=وأرحب بصحبـك والنشامـا تحييهـا
بوادي الدواسر جيت والورد والريحان=تفوح العطور اللي لكـم فـاح كاديهـا
وهل الوادي يقولونهـا بلفـم المليـأن=هلا مرحبا والدار غنـا السعـد فيهـا
بعد طلتك يا سيـدي منبـع الاحسـان=يا رجل المواقـف والمسيـرة تقديهـا
يا من لك مسيرة حافلـه قائـدِِ ربـان=تشرف ونفخـر بالرياضـه وراعيهـا
بيوت المعزة شامخاتِِ علـى سيسـان=على العـز والتقـوى طـوالِِ مبانيهـا
بنوها هل العوجاء وعلمي معه برهـان=اجـي بالدلايـل والشهـاده نزكيـهـا
هذا قول شاعر يصخر البيت والقيفـان=تجيله على حسب الطلب عند حاضيهـا
أنا مهدي ابن مسفر حبابي ومن قحطان=وربعي يشرفني حاضرهـا وماضيهـا
وكل القبائل والنعـم فالبـلاد أخـوان= تحت راية آل سعود يخسـر معاديهـا
[/poem]
وسلامتكم
