ارجو الانتباه من مرتادين سوق الفيحاء للخضار يمني يبيع عسل كنه قطو
السلام عليكم
في يوما من الايام وانا ذاهب لكي اتبضع للبيت هممت الى محل القهوه ومن ثم الى الخضار ومن ثم الى السياره واذا بي اسمع صوتا من بعيد له فحيح والهواء كان قويا والجو بارد واذا بي مره اخرى اللتفت
ووجدت شخصا يمنيا لابس ثوب شتوي كأنه قط وليس متعافي .
في الوهله الاولى حسبته وتوقعت انه من من يستولون او يطلب المساعده وقال لي يا خي ياخي وانا كنت متجه لسياره لكي اضع الاغراض ومره ثانيه قال يا ولد
قلت ولد وش تبغا قال انا عندي لك عسل وانت وجهك عسل وتستاهل قلت تعال مين الي قالك ابي عسل
قال انا شفتك ولحقتك قلت وش نوع العسل من باب المداعبه وتذوق شي بلاش قلت يمكن يجوز لي واشتريه
المهم اكلت منه بملعقه بلاستيكيه طلعها من جيبه وهو يتلفت قلت وش بتطلع انت قال معقله ياخي
قلت اشوا المهم وعيونه حمر ويناظر فيني انا خفت في الوهله الاولى ولكن قلت يالله ناخذ اجر ونجرب العسل
كاسرته واشتريت جركل عسل نفس حق فرغلي قال كيلو
قلت هاتو طبعا يقول سدر قلت له يا ولد الناس انا اعرف العسل وهذا عسل مضروب واصلا السدر
ماهو وقته قال هذا عسل يمني وجحض عينه واطالع فيه قلت له قم مابي شي قال ولله تاخذ قلت ياخي ما ابي
قال انت وجهك طيب وتستاهل واطمر السياره ابشغلها وامشي ولله ما دريت الا هو طالع مع الفتحه الي فوق وقتها الجو جميل ونسيت السقف مفتوح
قال خذ هذا هديه جركل ثاني قلت كم تبي قال 400 قلت هذي ميتين ناظرني وقال تستاهل
المهم رحت البيت وعطيته الوالد والوالده شافوه قال انت وش جايب زيت سمسم او زيتون قلت عسل
وانا نافخ صدري وراسي مرفوع المهم اكلت منه والوالدين فديتهم ما اعجبهم قالو هذا مضروب
قلت كيف مضروب مستحيل المهم كابرت واكلت منه وحطيته بماء اليوم الثاني ما داومت نمت وجاني مغص وحسيت كأني ماكل مطاط
المهم رجعت للفيحاء ادوره ما لقيته ما ابي فلوس بس ليه يضحك على الناس ويغشهم وكل شوي يحلف
المهم انتبهووو يماني اشعث اغبر عيونه حمر وجه بيبي فيس ولكن نصاب
ارجو الانتباه ولحد يشتري منه
العسل صبيته في الحوش تحت شجره منقا اسبوع والمنقا يابسه والورق طاح ككككككككككككككككككككككككك ككككككككككككككككككككككككك ك جاها نزيف
المعذره على الاطاله وحبيت اشاركم مرحله الخطر والانتباه
سلامون عليكم
