وين الخطط البديله لنقص البيض أو نقص الامهات البياضة.. لابد من خطط طوارئ كالتالي:
اغنام - ابل - دواجن - طيور
ليش دايم نلتزم بخطة وحده بس و ناقف .. لازم خطة اساسية ( أ ) و خطط بديله ( ب ) و ( ج ) على الترتيب أولى فأولى حسب اهميتها و سهولتها و إمكانيتها
يعني :
إذا كان عندك فقاسة و كنت تبغى بيض دجاج حصرا .. و كان متوفر يوم علمك فيه .. و لكن شح لأي ظرف كان
لا تقيد بشي معين .. دام مالقيت بيض دجاج لا تاقف
على طول الخطه ( ب ) خل فيه خطة طوارئ .. دور اي بيض موجود و فقسه بفقاستك .. المهم لا تاقف ..
وقفتك عن الانتاج لا منها لك ربح و لا منها ردة لراس مالك بالفقاسه و لا بالحظاير او الحضانات او المكان سواء كان ملك أو مستاجر
رأيي لك .. اقرب بيض اشتره رومي بط سمان اي شي و توكل على الله
و لا بعت انتاجه على خير ان شاء الله تكون من هنا إلى هذاك الوقت حاجز سرى مع الناس اللي حاجزين و الا تشتري دجاج و يصير لمشروعك اكتفاء ذاتي و تكون انتقلت للخطوة التالية المكمله لمشروعك
و نفس الفكره للي مثلا كان يربي امهات بياض و ينتج بيض و يبيع اشتر صوص عشان تكمل دورة الانتاج أو فقس صوص و خله يحل محل الدجاج القديم لأنه بيقل انتاجه مع الوقت عشان تحافظ على مستوى انتاجك و ربحيتك
و الفكرة نفسها للي يفقس صوص و يبيع اما اترك جزء من انتاجك لا تبيعه و ربه حتى يبدا انتاج البيض و تكتفي به عن شراء البيض
أو ان كنت مستعجل بعه و اشتر اعمار 5 و 6 شهور مقرب يبيض او بدا يبيض و خلها لا فاتتك الاوله ما فاتتك ان شاء الله الثانية
و اتوقع الازمه أحدثها عدم التوازن و خمول التفقيس فترة و اختفاء العماله اللي كانت تشتغل به سابقا
أو ترك معظم المربين للشغل لأنه فقد العماله
أو ضعف الانتاج و وجود هدر أو نفوق بسبب ضعف تغذية او اهمال تطعيمات بسبب ندرة اليد العاملة التي كانت تعمل بدوام جزئي و تكاليف معقولة
.. مما أدى لحدوث فجوة في الانتاج للصوص
و هالفجوة بانتاج الصوص شكلت فجوة بوجود دجاج بالغ يغطي الطلب .. لو تحسبها صح لقيت انه هذا أحد الأسباب و الله أعلم ..
و انا شايف كثيرين اختفو من عمالة السوق اللي كانو يشتغلون من تحت لتحت و كانو يبيعون البيض و الصوص
و هذا من صالح ابن البلد اللي بيشتغل بس ما حسبناها صح و استعدينا للازمة بسبب انقطاعهم المفاجئ و الفجوة اللي تركها
و السبب الآخر كثرة الداخلين في مشاريع الفقاسات عسى الله يرزقهم من فضله و في مشاريع الدواجن و الاقبال عليها و إدراك المجتمع لأهمية هذا الجانب الذي كان مهملا ..
اتمنى للجميع التوفيق و السداد ..
,dk hgo'' hgf]dgi gkrw hgfdq H, krw hghlihj hgfdhqm>> ghf] lk o'' ',hvz ;hgjhgd:
