يا جماعة ما يسير الهجوم الشرس على بيريرا !!

يا جماعة ما يسير الهجوم الشرس على بيريرا !! المدرب لعب 13 مباراه في الدوري فقط و تبغو الادارة تطيرو ؟ فكرو بعقلكم يا جماعة ، الرجل بينظف الفريق من اللاعبين المتعالين عالفريق و الغير منتظمين !!! يقهرني المشجع اللي يقولك المدرب سباك ولا المحلل الرياضي اللي يقولك بيريرا لازم يمشي ؟؟ والله كلام فاضي ! أصبرو ياجماعة ، اللي خلانا نصبر 29 سنة ما يخلينا نصبر موسم أو موسمين ؟؟ الدوري ماراح يجي بالطريقة دي؟ لازم يكون في إستقرار على مدرب و لاعبين ؟ الفريق غير مستقر ويبحث عن الإستقرار الأن . طبعاً المدرب ما نقدر نلومه على كل شي ؟ لأنه كلنا شايفين الظروف اللي مر بيها الفريق من اصابات لاعبين و عدم وجود مهاجم على مستوى عال و أكيد مشاكل التحكيم المتكررة و المستمره ؟
المدرب دا ممتاز و مدرب كبير في أوروبا و اندية أوروبية تبغى تتعاقد معاه ؟ خليه ينظف الفريق السنه دي و بعدين نبدأ نقيمه الموسم الجاي لأنو السنه دي انسو شي اسمو دوري !!!

نقطه أخيره ، إدارة الأهلي إدارة فاشله جداً ، لا تستطع إحضار لاعبين محلين ذو خبرة يساعدو الفريق في تحقيق حلم الدوري !! ليش ما اتعاقدو مع ناصر الشمراني مع العلم أن اللاعب عرض نفسه على الأهلي !!!!؟؟؟ لماذا لم يتعاقدو مع سعود كريري ؟ محور ممتاز و لاعب عنده خبره طويله. صدقوني الأهلي حيتغير مع بيريرا للأحسن بس الظروف الصعبه اللي بيمر بها الفريق ما بتخدمه !!!