والله اني اخلي بوبي يشلخك
هذي سالفه قسم ياشبيبه انه صارت علي انا لا يجيني احد بعدين يقولي (( وووووووووزززززززز طع )) العب بعدها بولينج في كرشته واستعدي بعدها اليونايتد نيشن يكملون عليه المهم برجع للسالفه ؟؟؟
هذا مره المرارير نشبت بحلزي (( بحلقي لغير النطاقين بالعربيه )) الوالده اللله يطول في عمرها يارب وفي راسها مية سيف وسيف تبيني اغير المناظر حقتها تقول لزمن لزمن <<< امي لبنانيه على غفله
تغير هالمناظر ماشوف فيها وانا اقول لها ياغاليه والله هذا اخر مقاس >>(( مقاسات النظاره حقتها 1231234في 83465684 من كبر المقاس )) المهم حلفت وقالت علي الطلاق من ابوك نياهاهاهاهاهاهاهاهاها اذا ماجابت لي المناظر الا اطلقه اليوم <<<< اخسي ياروميو وجولييت
عاد انا وش اسوي طعت الوالده خايف على مستقبل ابوي من الضياع :( :( والله وانقز لعقارية العليا <<< اول مره اخشها ...
وادخل على محل اسمه بالانجليزي عجزت احفظه (( طويل اسمه مثل توقيع قوت القلوب )) والله والقى واحد لبناني خده يبرق كنه برق غيمة في ليلة سوداء <<< ابوك يالشعر بيني وبينكم احسبه بنت بغيت اقط عليه الرقم بس شفت شوية شعر بصدره ومسكت فرامل ...
والله واقوم اسئل ابو شكيم عن اسعار النظارات والبراويز وهو ابن الـــ ؟؟؟ <<< قاهرني من جماله مايضرب الا في الالاف وانا كل الي بجيبي ثلاث مية ريال وسلف من هندي <<< شعب رايح فيها
قلت له المهم ابي شي بالميتين ماعندك قال الا وراح يجيبهم من داخل متشفل يحطهم قدامه الا في هذي الاثناء يدخلون ثنتين موووووووووووووووووووووووو ووووووووووووووووووووت انا يوم شفتهم بغيت اطيح بس اشوى تمالكة نفسي واعصابي وقلت ياولد خلك ثقيل البنات يحبون الثقيل والله واطلع قارورة كلونيا من جيبي وابخبخ على نفسي من الكلونيا وازبط الشماغ والتكشيخه قلت بس ياولد فرصتك . نياهاهاهاهاهاها <<< قلب ذيب
ايه قبل انسى البنات يوم دخلوا معهم شنطه سوداء على الكتف كبيره شوي وفيها صوف ابيض مدري وشو <<الصوف هذا سالفته سالفه ..
والله ويدخلون ويوم شافهم اللبناني ويطير فيهم ويتركني ويذب علي البراويز الرخيصه قال شوف واتفرج انا عاد بسوي نفسي حركتات وماهمني قلت يابو الشباب ايش هالبراويز قال هذا طلبك قلت طلبي في عينك انا ابي برواز لا يقل قيمته عن خمسة الاف ريال << يبي يكشخ الولد وانا والله لو تنفضوني مايطلع معي غير بكت دخان وثلاث مية ريال
المهم سمعت ضحكه كنها همس النسيم مدري صوت بلابل المهم انها ضحكه ...
بناتنا يضحكون هع هع هع هع هع وهم يضحكون هس هس هس الله خلق وفرق
المهم انا قلت خلني ثقيل ورزين وكني ماسمعت احد يضحك وجالس اطالع فوق لتحت <<البناني يعتقد اني اطالع للبراويز وانا بصراحه جالس اطالع بالمرايا الي بالمحل بشوف كشختي حلوه او لا ومنها اقزقز البنات من بعيد عبر المرايا << مسوي نفسي بريئ
شوي وانا جالس اتحرك بالمحل واقرب من البنات الا ريحتهم تجنن انا بيني وبينكم سكرت بس على الريحه وانا اتمشى وفي هذي الاثناء نطت وحده الي معها شنطه وفيها الصوف وقالت لي بالحرف الواحد (( عمى يعميك )) قلت من تقصدين (( قالت فيه احد لوح هنا غيرك <<< هي ماقالت لوح قالت غيرها بس انا حذفتها خوف من الرقابه )) قلت عمى يعميك وصمخ البعارين <<< عزالله ماخذت الرقم
قالت احترم نفسك قلت احترم في عينك انتي الي ماتستحين وش سويت لك علشان تقولين كذا
قالت ماتشوف العدسه <<<اي عدسه
اثري البنت جالسه تشتري عدسات وطاحة وحده منهم وانا ابو الشباب دعست عليها برجلي وكسرتها <<< نياهاهاهاهاهاهاها
قالت انت شكلك قليل ادب ولا تربتي
قلت والله انتي الي شكلك من تربيت منفوحه
قالت انا منفوحه طيب اوريك ان ماجبت لك بوبي الحين خليتهم يعفط وجهك <<< انا هنا بيني وبنيكم صابتي ام الركب قلت الحين بوب هذا يطلع لي فلبيني يلعب كراتيه مدري كراتين يحوس ابو الي خلفوني وقلت خلني اشيل عفشي واهرب واذا بغى يحوسني خله يحوسني لحالنا مو قدام الناس بس اخذتني العزة بالنفس قلت هاتي ابو بوبي يعني تحسبيني خايف <<< اخس يالزير سالم
قالت يعني مو خايف انت قلت لا والله وتنزل الشنطه الي قلتلكم عليها فيه صوف وتطلع من الصوف الي ودي من اليوم اعرف وشو وتحطه على الطاوله انا بيني وبينكم اشوف قطعة صوف وفيه زرين <<< الزرين ماطلعت زرين طلعت عيون
قلت لها وين بوب قالت هذا هو اثاري بوبي كلب وانتم كرامه صغنون معها بالشنطه كنه قطو بس على حجم اكبر
قلت لها بالله عليك هذا بوب او تمزحين <<< الولد رايق ويوم شاف ان هذا بوب هجدت عظامه وزبطت ركبه
ردت علي انت شايفنا في موقف مزح
قلت لها بالله قبل لايقطعني بوب حقك هذا عندي سؤال بسيط وصريح واجابته كلمتين
قالت هاه وش تبي <<< كنها لانت البنت
قلت بالله هذا كلب حقيقي او يشتغل على بطاريات
انا قلت هالكلمه والله وهي تفقع من الضحك وبدل مكانت تضحك هس هس صارت تضحك هع هع هع هع بغ بغ بغ والثانيه الي معها ماسكه بطنها من الضحك انا هنا انبسطت قلت بس ضمن الولد الهربه قبل تجي الهيئه
والله وامسك الطريق ابي اهرب وتلحقني هي عند المواقف وتقول ياخي عليك خفت دم ماصارت
قلت ايه كل يوم اتبرع بالدم صباحا والله وتطيح من الضحك بعد
وابي اهرب مافيه امل تقول لازم تعطيني طريقة للتواصل معك قلت بس ماعندي شي بس فيه بيجر قالت وشو بيجر قلت انتي بس دقي على الرقم هذا وانقز لك كني جني قالت [light=FF3333][glow=00FFCC]هاته ماهطيلضرىاستضؤاىثلار عف[/glow][/light] الكلام هنا مشفر
والي يومك اليوم انتظرها ولا فيه امل ومازلت اردد مرة سنه مالك على البال طاري ومن ذاك اليوم لليوم وانا مسنتر عند البيجر اخر شي اكتشفت انه مقطوع يعني بس جهاز بدون خط
والسلام مسك الختام ارجو ان القصه اعجبتكم
