الحكيمة تدخل

بداية رغم اني ضد التفتيش ورى الزوج لكن مدري شنو اللي خلاني افتش

رغم انه ثقتي فيه عميا ولا عمري شكيت بشي

زوجي وعارفته الحمدلله ماعنده هالخرابيط

بداية هو نزل برنامج الزفت تويتر وشوي شوي بدا يضيف ناس وانا عارفه منو هم

وهو بنفسه يخبرني ومايخش عني وانا اسايره لاني لو زعلت وﻻعصبت عادي بعدين يخش عني

ومايعلمني بشي

واﻻمور طيبة لين فترة شفته يرد ع تغريدات وحده وهي مطنشته وادعي الله يصرفه عنها

لين شفته ماسحنها من اللستة

وبالصدفة أمس شفته يرد ع وحده ثانية تكتب اشعار للعلم هو شاعر بس ردوده ردود واحد يبي يسولف

مش رد ع كتاباتها بس للأمانة هي محترمة ف ردها عليه ترد ببرود او تسكت

ريلي النظيف الطاهر اللي اشوفه احسن واحد بهالدنيا يراكض ورى بنات ويبي يسولف معاهم ؟

حاسة قلبي بيوقف من القهرر

وهو يعرف انه عندي الباس وممكن باي لحظة أدش واشؤف سوالفه

بس ليش جذي ؟؟

شرايكم هل اواجهه ؟ بس يمكن يقلبها علي باني افتش من وراه

ولو سكتت أحس بموت من قهري

شوروا علي