ادب حنين الروح

والله احبك وربي بالغلا شاهد
مابين قلبي وقلبك وانت تدريبه
ماهمني غيرك انت والله الواحد
آسوق عمري لجل ودك وتقريبه
الحب عندي مع الايام بالصاعد
والشوق ولّع وخلاني اهذريبه
عشان حبك عن الحساد متباعد
مدام قلبي وقلبك فايح طيبه
شفني هويتك ولاني بالغلا جاحد
لاحل اسمك بدون شعور اخطيبه
ائي والله اني من اللوعات متصامد
واشيب عيني من الهجران واشيبه
حنين امسي بذات الروح متواجد
والجرح باقي يقدم لك مطاليبه
ماهمني بالهوى كاذب ولاحاسد
الحب بلوى وانا قابل بتعذيبه
والمشكلة كم احبك والله الشاهد
وانت الذي بالغلا والوضع تدريبه