مع دخول المربعانيه فكرة لتحصين المواليد من البرد
اغنام - ابل - دواجن - طيور
مع دخول المربعانيه فكرة لتحصين المواليد من البرد
السلام عليكم ورحمة الله وبركاتة
مع دخول المربعانيه والبرد و التيارات الهوائية الباردة الشديدة حبيت اشاركم هذي الفكرة لحماية الانتاج من النفوق بسبب البرد ، وطبعا فيه نسبة كبيرة من اهل الحلال ما عنده كهرب بموقع الشبك علشان يستخدم دفاية او اي شي يحتاج له كهرب ،وكثير يستخدم غرف الشينكو وهي زينة لا بأس ولكنها تكون باردة من الداخل اكثر من غيرها بسبب امتصاص الشينكو للبرد وعلشان نعالج هالمشكلة حبيت اطرح لكم تجربتي وتجربت صديق لي .
بدأت الفكرة من يوم شفت الحركة الي سواها صاحبنا طبعا هذي الفكرة الاولى ، قام وعمل داخل غرف العزل غرفه صغيره ثانيه ان صح بتسميتها غرفه على الطرف الغربي و الجنوبي نص متر في نص متر حط له مرابيع بارتفاع نص متر وزعها على الطرفين بعدين لبسها بموكيت صارت جدرانها وسقفها من الموكيت وصار يحط الموليد فيها وبصراحة كانت دافيه وممتازة جدا واعجبتني الفكرة لكن بصراحة حسيت انها شغله وحوسه وبالصدفه وانا رايح للحلال طبعا هذي الفكرة الثانية لقيت لي صناديق خشب الي يحطون وسطها البلاط وكانت حالتها ممتازة والله واحمل الي قدرت اشيله طبعا انا من اول عندي موكيت عند المراح المهم خذيتها ورصيتها بنفس طريقة صاحبنا على الاطراف ووضعت لها باب ولبستها انا و العامل من هالموكيت الين ما اشاء الله صارت مثل حقت صاحبنا ودافيه ومن احسن ما يكون .
lu ]o,g hglvfuhkdi t;vm gjpwdk hgl,hgd] lk hgfv]
