شوفي وش شفت من رسايل ومبرراته اصدقها ؟؟؟!!!
السلام عليكم
قبل فتره لقيت زوجي يكتب في الواتس لصديقه لما شافني فضوليه ابي اشوف الا حاول يخبي وماارضى ابداا اطالع مع اني كنت بطالع قدامه مثل ماهو يسوي لي اوقات كثيره يطالع في جوالي هو واثق لكنه فضول حبيت اسوي نفس تصرفه لكن شككني فيه لما لقيته مهتم يراسل ومايبي اشوف نهائي قلت اجل انت بعد لا تشوف جوالي فوافق لما وافق زاد شكي لهذي الدرجه مايبيني اشوف :bbbiu::eh_s(10): بعد فتره وهو نايم اخذت جواله افتش هو عنده صديق مفضل على الكل ودايم يستشيره ويكلمه صديق عمر المهم افتح جواله الا اول شي لقيت محادثه مع وحده معشمنها انه بيوظفها فطلب منها صورتها ورسلتها وطلب موعد معاها وطلب صورة لشكلها كامل المهم انصدمت انا لان اصلا الحين مايقدر يوظف ..وليش هالطلبات بعدين لقيت محادثه مع صديقه المقرب الا اغلبها رسايل صور بنات وهو يعرف بنات علاقات غير مشروعه وعادي يقول لزوجي ويراويه صور بنات بعضهم شبه عاريات وزوجي يرد عليه ويعلق ويقوله مبسوط انت من قدك وانت تعرف بنات للعلم ان زوجي هالفتره جدددا مشغوول عنده كذا مشروع فانا اصلا تفاجأت لمجرد انه عاطيهم وقت لان وقته كللله مشغول المهم اني مثل ماتوقعت انا ماكنت حابه اراقب لكنه هو اثار مو بس فضولي الا شكي خاصة ان له سوابق ياما ضبطته بداية حياتنا ..ظليت بعدها فتره متغيره عليه ولاحظ سألني ماقدرت اخبي اكثر قلت برر لي محادثته مع البنت ان مو له لواحد يبي يختبرها وظل يحلف لي ان لواحد ثاني ..اذا هذا لواحد ثاني والمحادثات مع صاحبه الا مثل اخوه والشخص ينعرف من صديقه قالي والله بس اتمسخر يعني سبق ونفس الشي شنو الا يتمسخر يجاريه ولا وبعد يحسده على البنات لو حس صاحبه ان زوجي مو مال هالسوالف كان ماتجرأ وارسل له هالصور ويتكلم عن بنات ..وبعدين الصديق اذا مو راضي عن الا يسويه صديقه المفروض ينصحه مو انه منعجب بعد ..هو ظل يبرر لي حركات صديقه وهذا ادري انه مو زين لكن زوجي مو قادر يبتعد عنه علاقتهم قويه وقلت يمكن يتغير لانه تزوج وعنده اولاد ..زوجي الحين يبرر لي ويقولي عادي الا يرسله صاحبه ويقولي كل الرجال كذا يرسلون عاد معقول فيه واحد يجرأ يرسل لصاحبه بنات شبه عاريات وحركات غير مقبوله وهو يعرف ان صاحبه مو هذا طريقه ؟؟؟!! انا الحين زعلانه منه مرره ماخذه على خاطري تعبت حتى مبرراته مو داخله مخي لاني كثيير شفت منه حركات كذا واكثر ..
