تسمم حمل

السلام عليكم الله يتمم على كل الحوامل انا بقولكم قصتي بحمالي مع العلم انه هذا حملي الاول انا صار فيني زلال وللاسف الدكتورة اللي كنت اراجعها بالخاص ما انتبهت ولا جيكت على الزلال المهم سويت التحليل ولقيته حيل مرتفع رحت طوارئ الصباح واهني ابتدت القصة قاسوا الضغط لقوه مرتفع دخلوني جناح الولادة علطول وعطوني ابرة رئة الطفل وانا ما ادرى شنو بسوون كنت بالاسبوع الاول من الشهر السابع بعدها من فضل ربي نزل الضغط وودوني الجناح وتفاجات انه الاطباء بيقعدوني لين الولادة طبعا نفسيتي تعبت وقاموا يعطوني دوا الضغط 6مرات باليوم وكل يوم يجيكون على النبض للبيبي ويسوون تخطيط وياخذون عينة بول عشان الزلال وغير الدم اللي ياخذونه عشان اليوريك اسيد واليوريا هذيلي مرتفعين كل مرة يجيكون عليهم وان لقوا اي شي ينزلون تحت وهذا انا صاعدة نازله الجناح والله لايوريكم النزلة تحت برد ولبس مفتوح وتنطرين بالساعات عشان يمر الدكتور ويعطيج قرار الصعدة للجناح الحين يعطوني نوعين من دوا الضغط وزودولي الجرعة واخر شي طلعولي بابر السيوله يقولون افضل لج وانا رفضتهم بصراحة لانهم جيكوا على الجلطة في الرجل لاني رجلي حيل منتفخة الحمدلله ماكو شي بس اهم نظامهم مو حلو وما يسمحون للشخص يطلع كلش ايه نسيت اقولكم اني توني داشه الثامن ووزن البيبي صغير اصغر من وقته باسبوعين ويسمون هالحاله تسمم حمل بنات تكفون ردوا علي من صار فيه نفسي تكفون لاتبخلون علي بتجاربكم واللي ما تعرف ترفع الموضوع ولا تنسونا من دعواتكم انه الله يفرجلي ويطلعني من هالمكان خاصه اني صكيت الشهر والمدة فابلة للزيادة