مليت والله مليت عايشه لوحدي وانا معاه!!

بختصار حبايبي عشان لا اطول عليكم انا زوجي الرجل الصامت الغامض تعبت معاه من يوم تزوجنا تقريبا سنتين ونص
هو شغله متعب طول اليوم برى البيت من تسعه الصبح لتسعه بالليل نتعشا ونطلع شقتنا تقريبا 11 وينام على الساعه وحده بالكثير اذا مو قبل يعني نقعد مع بعض لحالنا يدوب ساعتين واذكر اني كتبت موضوع من قبل ان زوجي كله قاعد على الجوال خرابيط وصور كلمته بالموضوع صار يتأخر عند امه عشان ياخذ راحته واذا دخل الغرفه حط جواله على الشاحن ونادر مايمسكه بس ما استفدت شي يا انه يحط فلم مصري او مسرحيه لطارق لين ينعش وينام واذا سألته شنو صار معاك اليوم يقول ولاشي شغل طيب مافي سالفه صارت موضوع اي شي نتكلم فيه يقول لا ماعندي وانا مثل الببغاء مابقي شي ماقلته وهو مرات ساكت ومرات يعلق بكلمه وبس
واخباره اعرفها من اهله هذاك اليوم عمتي تقول زوجك عنده اختبار متى يخلص وانا اصلا مادريت عن الاختبار !!
وبالصدفه عرفت انه فاتح له كفتيريا
وتجيه مكالمات يطلع يكلم برى بالحوش واذا سألته مين تكلم قال واحد!! ( انا متأكده انه مايكلم حريم )
امس سويت نفسه حطيت على فلم وسااااكته واذا كلمني رديت عليه بالغصب طبعا لاحظ وسأل وش فيك قلتله عادي مافيني شي بس اجرب اسوي مثلك نص ساعه وماقدرت اكمل قلتله وبعدين عاجبتك حياتنا قال ليش وش فينا !! قلت ابد عايش بعالمك الخاص ماينعرف عنك شي رد وقال من شب على شي شاب عليه انا متعود ما اتكلم عادي ونام
انا الحين شلون اتصرف معاه مليت خلاص شكلي بصير مثله على الصامت
لدرجة اني سويت سونار وعرفت اني حامل بولد وهو مافكر يسأل ولد او بنت