رضى الناس غايهـ لا تدركـ + الإعلام ما قصر !!!

السلام عليكم ورحمهـ اللهـ وبركاتهـ ~


قبل مبارتنا مع النصر كنت أشوف مواضيع كثيرهـ تقول وتتوقع وش بيصير لو خسر
الهلال ! وكنت أقول ليش متشائمين ؟! ليش ما تتفائلون بالخير ؟! وأصحاب هالمواضيع
كانوا يقولون إنهـ مب تشائم بل ننبهـ جمهورنا من خطر الإعلام إذا لا سمح اللهـ خسر
الهلال ! وكنت أقول جمهورنا مستحيل يتأثر بالإعلام لأنهم عارفين نواياهم ،، وللآسف
إتضح لي إني غلطانهـ !

نص جماهيرنا إذا ما كان اغلبها تأثر بالإعلام والأدلهـ كثيرهـ أبرزها :

# - اللي طلعوا بعد خسارهـ الهلال من النصر وقعدوا يقولون الإداراهـ ذبحتها
المثاليهـ وقاعدهـ تجامل سامي ع حساب الكيان الهلالي ؟!
وين المثاليهـ والمجاملهـ أبي أفهم ؟! الإدارهـ قاعدهـ تحاول قدر الإمكان إنها ما تظهر
للإعلام وتعمل بصمت بعيدا عنهم وهذا بناء ع مطالبهـ معظم الجماهير اللي قالت
الأمير عبد الرحمن الموسم الماضى كلهـ يصرح ويغرد ولا نشوف أفعال وكانت تطالبهـ
بالعمل بصمت وبعيدا عن الإعلام والحين يوم نفذت طلبهم ،، يطلع من يكون المثاليهـ
الزايدهـ ضيعت الهلال !! يا خي حيرتونا صراحهـ ما عرفنا وشلون الإدارهـ
ترضيكم !! سوت كل مطالب الجمهور ( أقصد الأغلبيهـ منهم ) :

1)- طالبوا بسامي مدربا للهلال وجاء سامي وتم تنفيذ طالبهم ،،، والآن الأغلبيهـ
ينتقد فيهـ ويقول إنهـ ما يستحق تدريب الهلال !!! بـ الرغم إنهـ ما أخذ فرصتهـ كاملهـ
نفس باقي المدرب اللي مروا ع الهلال !!

2)- طالبوا بـ إبعاد السديري وجعل السبيعي أساسي ،،، واللآن الأغبيهـ ينتقد
السبيعي !!! ويطالب بغيرهـ وهو لين الحين ما لعب غير ثلاث أو أربع أساسي !!

3)- طالبتوا بـ إبعاد المرشدي ودخول المسلم بدالهـ وتم تنفيذ طلبكم ،، والآن
الأغلبيهـ يطالب بإبعادهـ !! وجت الإصابهـ وأجبرتهـ ع الإبتعاد ( اللهـ يشافيهـ ويحمي
باقي لاعبينا من الإصابهـ ) ~

4)- طالبتوا بـ التوقيع مع الواكد وتم التوقيع معاهـ وللهـ الحمد ،، ولكن يبقى السؤال
هل رح نشوفهـ أساسي ولا بـ دكهـ البدلاء كـ عادهـ اي لاعب يتم التوقيع معاهـ ؟!

كلامي هذا مب معناهـ إني مؤيدهـ لـ صمت الإداراهـ بـ معظم الأوقات ،، بل عكس
أوقات كثيرهـ كنت أتمنى أشوف رد الإداراهـ وتحركها وآخرها كنت أتمنى إنها
إعترضت ع الحكم مرعي ،، وكنت أتمنى إنها طالبت بـ ابعادهـ عن مباراتنا أمام
الشعلهـ !!!
ولكن اللي قصدهـ من الموضوع إنها تعمل وجهدها واضح لكن للآسف معظم جمهورنا
مع الخيل يا شقراء وصدقوا مين يحاول زرع الفتهـ بين الجمهور والإدارهـ !!!

ثاني دليل ع إن الجمهور مشى خلف الإعلام هو من يقول إن سامي لن ينجح مع
الهلال إذا بقى ع هالحال ؟! واللي طالب سامي بـ تركـ تدريب الهلال وحفظ تاريخهـ
كلاعب ؟! واللي قال إن الإدارهـ تجامل ع حساب الكيان الهلالي ؟!!!

بـ ما إني هلاليهـ فـ أنا أعشق لغهـ الأرقام لأنها ما تكذب ودائما هي من تنصف
الهلال وترد ع كل مشككـ ،، فـ رح أقارن بين أبرز المدربين اللي مروا ع الهلال وبين
سامي وبـ تشوفون إن شاء اللهـ إن سامي يستحق أن يأخذ فرصتهـ مثلهم ~

بناء ع الموقع المتخصص في تقييم المدربين على مستوى العالم.

سامي كان ترتيبهـ 224 وتقدم الأسبوع الماضي إلى 198 ~
وهالأسبوع إن شاء اللهـ بيتقدم أكثر لأنهـ فاز ع الشعلهـ ~

أما البلجيكي إيركـ جريتس كان ترتيبهـ 222 وتراجع إلى 227 ~
والفرنسي كومبوريهـ بعد تراجع لأن كان ترتيبهـ 880 وتراجع إلى 1100 ~
والروماني كوزمين كان 565 وتراجع إلى 570 ~

وهذي صورهـ توضح كلامي وتحتها الرابط ~

http://www14.0zz0.com/2013/12/10/16/708221871.jpg

حاولت أكبر الصورهـ وما عرفت صراحهـ للآسف وللي يبي يتأكد يدخل هالرابط :d
المصدر:
Ranking football club coaches | Football Coach Ranking | week 50 | year 2013 | Position 151 to 200

وإدخلوا الموقع وقارنوا بين ترتيب سامي أول ما جاء للهلال ( 26/8/2013 إلى 9/12/2013 ) ~
بـ تشوفون إنهـ كان 905 ووصل إلى 198 أي إنهـ فرق من البدايهـ إلى الآن ( ما شاء اللهـ ) بـ 707 !!

عرفتوا الحين إنهـ محتاج الصبر وشويت وقت فقط لـ يكمل نجاحهـ إن شاء اللهـ ~
عرفتوا الحين إن من حقهـ نوقف معاهـ مثل ما وقفنا وصبرنا ع اللي قبلهـ !!!

كلامي عن سامي ما يعني إن ما فيهـ سلبيات بل العكس أنا أشوف إن فيهـ سلبيات
وأبرزها عدم لعب اللاعبين بمراكزهـ الطبيعيهـ وشفنا أمس يوم لعب بعضهم بمركزهم
الطبيعي أبدعوا وإستمتعنا بالفوز بالمستوى والنتيجهـ ( الحمدللهـ ) ~
ولكن هدفي من الموضوع إن يستاهل من يوقف معاهـ فـ هو أحد عشاق هالكيان
وقاعد يحاول يرجع الزعيم لسابق عهدهـ فـ ادعموهـ وساندوهـ ولا تنجرفون وراء
من يحاول منع نجاح سامي !!!

وتذكروا نجاح سامي كـ مدرب معناهـ نجاح الهلال كنادي ،، لأن كل ما تقدم سامي
بـ الترتيب العالمي تقدم الهلال بعد !

وأخيرا أنهى الموضوع بـ صورهـ أتمنى آشوفها بالمدرج الهلالي ^_*

http://www.arriyadiyah.com/sites/def...8345935800.jpg

أنا أعرفهـ ما بطيح إلا يقوم
وإن طاح جعل عثراتهـ فدا
علمتنا إن الوفاء لأجلكـ يدوم
ونعلمكـ إن الفخر منكـ بدا

بالتوفيق إن شاء اللهـ لسامي وللهلال ،، واللهـ يجعل الفوز بـ جميع البطولات
هالموسم من نصيبنا ،، وأعتذر ع الإطالهـ =) :rose: