حـــــــرب البســــوس

[poem=font="Simplified Arabic,5,black,bold,normal" bkcolor="transparent" bkimage="" border="none,4,darkblue" type=2 line=0 align=center use=sp num="0,black"]
لاياحمد والشعر قاف وطواريق=
=واسرار تدفنها البيوت الجميله
والشعر فكره والمثايل توافيق=
=ولاكل من صاغ المثل يستويله
احدٍ نزل واحدٍ رقى للشواهيق=
=ينوف عن بعض العلوم الهزيله
واخوك لانامت عيون المخاليق=
=يجيه مندوب السهر كل ليله
يسهر علي دك الهواجيس والضيق=
=يضحك ويخفي ضيقته عن قبيله
اجا وسلمى والسروات وطويق=
=كنه علي صدر العمودي يشيله
اغيب في همي عن الناس وافيق=
=واصحى علي خيل الهموم وصهيله
واليوم حملي شايله فوق مااطيق=
=عايف ولالي بالمقادير حيله
الدرب طّول والتعب نشّف الريق=
=وانا علي الغايه عدمت الوسيله
مابين غلطات الزمن والمطافيق=
=خذيت من كبوات غيري دليله
اتعب علي عرف الرجال المطاليق=
=اهل الوفا من كل بد وقبيله
اهل الادب والدين واهل المواثيق=
=اللي مشت بالعدل عن كل ميله
والاالردي لويقرن الضحك تصفيق=
=مذموم بلسان الوفا والفضيله
ناس خذت علمه علي غير توثيق=
=تكذب وتلقاله صدى من عميله
اللي تبيع الهرج جمله وتفريق=
=محصولهم علم الندم والفشيله
لقو..لهم..سوق وتجاره وتصديق=
=اهل النمايم جعل ربي يزيله
والوقت يمضي في مسايل وتحقيق=
=نركض ورى طرد السراب ونخيله
وانا عيوني تذرف الدمع وتريق=
=جرح الهوى مايتركه في سبيله
عامين من صار اللقا والتفاريق=
=علمي بها قفّت شمالٍ مشيله
غندورةٍ حبه جرى بالمعاليق=
=بنت الرجال اللي تزّبن دخيله
من بعدها بيبان قلبي مغاليق=
=والحظ خان الجهد وانهد حيله
يلوق لي وصفه بالاشعار وتليق=
=الياطرتلي غرته والجديله
له مبسمٍ يغني عن المي ماذيق=
=وبعيونها حرب البسوس الطويله
في طلته شمس الضحى والمشاريق=
=وفي خصرها عود القصب ينتميله
كنه من الماضي علي العاشق تويق=
=ويثور بركانه ويقدح فتيله
حبه حقيقه دون كذبٍ وتلفيق=
=ياليت ضميانه شرب سلسبيله
بس الهوى دايم عذاب العشاشيق=
=يرميك في كف الظروف البخيله
واناعلى عهد الوفا والمواثيق=
=لوانها صارت علي مستحيله
قلت اتعلل في جديد الطواريق=
=والشعرفكره والبقا للجزيله[/poem]

الاستاذ الشاعر : سعيد العامودي

صح لسانك وسلم فكرك بعدد نجوم السماء

مرحبا بهذا البوح المميز

قصيدة رائعة ومميزة

تجلت فيها الحكمة
وصدق المشاعر
وقوة السبك
وجزالة المعاني

.
.
سأكون دوما بالجوار لأستمتع بروعة الهطول
.
.
مودتي

اجا وسلمى والسروات وطويق
كنه علي صدر العمودي يشيله

اغيب في همي عن الناس وافيق
واصحى علي خيل الهموم وصهيله

،

،

تصوير مؤلم ..

،

،

اللي تبيع الهرج جمله وتفريق
محصولهم علم الندم والفشيله
لقو..لهم..سوق وتجاره وتصديق
اهل النمايم جعل ربي يزيله

،

،

القصيدة كلها رائعة ..

صح لسانك مليون ولا يوفون على هذا النزف ..

[align=center]اغيب في همي عن الناس وافيق
واصحى علي خيل الهموم وصهيله
واليوم حملي شايله فوق مااطيق
عايف ولالي بالمقادير حيله


سعيد العمودي


صح لسانك وقلبك وكلك

لا هنت


مودتي

.[/align]

سعيد العامودي

صح لسانك وسلم فكرك


جزلة ومن شاعر جزل


تحيتي لك

الشاعر الرائع

سعيد العامودي

صح لسااانك

وعلى شااانك

قصيده جزله من شاعر جزل

دمت يامبدع

لك

جل

احترامي

وتقديري

المبدع / سعيد العمودي

صح لسانك

واخوك لانامت عيون المخاليق
يجيه مندوب السهر كل ليله

يسهر علي دك الهواجيس والضيق
يضحك ويخفي ضيقته عن قبيله

الله يبعد عنك الهم

لله درّك

وبانتظار غيثك القادم ..

لك أطيب تحية

[align=center]لاياحمد والشعر قاف وطواريق ==واسرار تدفنها البيوت الجميله
والشعر فكره والمثايل توافيق ==ولاكل من صاغ المثل يستويله
احدٍ نزل واحدٍ رقى للشواهيق ==ينوف عن بعض العلوم الهزيله
واخوك لانامت عيون المخاليق ==يجيه مندوب السهر كل ليله
يسهر علي دك الهواجيس والضيق ==يضحك ويخفي ضيقته عن قبيله
اجا وسلمى والسروات وطويق ==كنه علي صدر العمودي يشيله



صح السانك اخي سعيد العمودي

قصيدةرائعة تحمل معاني جميلة

وحكم تستحق المتابعة اكثر من مرّة

(( هي بحق درّة من الدرر النفيسة))

سانتظر انتاجك القادم

تقبّل التحية والتقدير والإحترام ,,,[/align]

يلوق لي وصفه بالاشعار وتليق
الياطرتلي غرته والجديله
له مبسمٍ يغني عن المي ماذيق
وبعيونها حرب البسوس الطويله
في طلته شمس الضحى والمشاريق
وفي خصرها عود القصب ينتميله


أبداااااااااااااع

ياسعيد

أبداااااااااااااع

حكم درر جزالة وصف

جامعة كل جوانب الابداااع والجمال هالراااائعة

صح لسانك ملايين

والله يعطيك العافية

لاهنت

شعر لا يجيده إلا الكبار


وانت على رأسهم


استاذي سعيد العمودي


اهديك بيااارق الشعر


وتقبل الود وباااقت من الورد

اغيب في همي عن الناس وافيق
واصحى علي خيل الهموم وصهيله
واليوم حملي شايله فوق مااطيق
عايف ولالي بالمقادير حيله
الدرب طّول والتعب نشّف الريق
وانا علي الغايه عدمت الوسيله

شامخة باذخة العطاء من فيض المعان والجزالة والحبك ..
سلمت ودمت للأعذب شاعرنا ..

روعه في الوصف
...لايجيدها الا شاعر
..بحجمك يالغالي
صح بدنك ولاهنت يالغالي ...
حضرت لأسجل اعجابي بهذه الباذخه ..
تحياتي لك



اخوك:
وليد العمودي

[align=center]
سعيد العمودي
http://www.sfsaleh.com/vb/attachment...0&d=1150313192
تسلم على القصيدة الرائعة يا سعيد

صح لسانك وقلبك يا مبدع

أعجبتني صراحة ..

لك مني أطيب تحية
http://www.sfsaleh.com/vb/attachment...1&d=1150313192
[/align]

له مبسمٍ يغني عن المي ماذيق
وبعيونها حرب البسوس الطويله
في طلته شمس الضحى والمشاريق
وفي خصرها عود القصب ينتميله



الله حسيبك ياسعيد وش هالوصف



والله انك ماتنلام مدامت بهالشكل


الله يعينك على القصيد


وصح لسانك

يسهر علي دك الهواجيس والضيق
يضحك ويخفي ضيقته عن قبيله
.................................................
تخفي الضيقه
ولكن لاتستطيع اخفاء الابداع
الذي اقترن بهذا الاسم الرائع