أبـــوي الـعـجـيـب الـغـريـب !!

بسم الله الرحمن الرحيم



يعطيكم العافيه بنات ، عسى تكونون بخير وصحه وعافيه ..



مشكلتي دائماً وأبداً ( ابوي العجيب الغريب ) !!



انا امي تطلقت من أبوي قريب ال10 سنين واحنا عايشين معاها ، بغض النظر عن الكم الهائل من المشكلات إلا إني اليوم بطرح مشكله معينه وأبي منكم حل يأ بنات الطيب والعز ..



بداية الموضوع ، لما كنت بالثانويه العامة ، طبعا ابوي الحبيب مستانس البنت على وي تخرج لازم اعشمها تعشم واخليها تعيش باحلام ورديه عشان تييبلي نسبة ، وقوم يا ابوي الحلو ، وقولي راح اعطيج 500 دينااااار بس تتخرجين ، شنو تبين سياره لكزس افاااا عليج بس انتي دشي حقوق وانا اييبلج وكل يوم يخيرني جنه صج باجر بيبها ، وانا مستااانسه ومحد قدي يعني :p

عاد تخرجت الحين ويبت ذيك النسبه الحلوه ، تدمر اول احلامي 500 دينار بح ماكو طلع حجي فاضي ، الحين يينا عند السياره صار عيدميلادي ، يبا طلعلي استماره نطري نطري ، شهرين وانا انطر اخرتها طلعت بنفسي :) ، المهم انا دشيت حقوق ولله الحمد مو عشان رغبته لانها طموحي ، ابوي حطلي سايق والسايق اهو عباره عن الصبي ماله بالياخور وسواق التنكر ابوي وظفه عشان يكون سايق لي مسكين هالريال ، والسياره طايحت حظ اكثر من مره توقف فيني بالشارع ونتنقع بالحر انا والسايق وادق عليه ما يهمه عادي عادي الحين تشتغل وانا اكل هم وقهر ، السياره تطلع صوت هم بلعت موس وسكت ، أنتهى إلينا المئال انا والسايق ، أنه التاير طار بنص الخط السريع وقفت السياره ودعمنا ، ولولا رحمة الله ماكنت موجوده بينكم اليوم اكتب مشكلتي ، ادق عليه يبا صار جذي وكنت حيل خايفه ، قالي : عادي هذا شي طبيعي يصير بكل السيايير قتله لا يبا مو شي طبيعي هاذي سياره كحيانه وقتلك مابيها يعني ماترتاح الا لما تشوفنا مسدحين بمبارك ، جان يقول اشفيج الحين قتله تعال اخذني شلون انطر بنص الشارع وخط سريع جان يقول انا بالياخور يبيلي ساعه على ما ايي ؟ علماً باي الياخور الطريج اقل من نص ساعه وقتله اني مستعده انطرك !! قالي للا لا خل يصلح السايق التاير ؟ المهم ورضخت للامر الواقع عقب بجي وصراخ ، طبعا تنقعت ساااعه كامله على مايصلح التاير غير النطره لما وقفت السياره ، رديت البيت كنت حيل متضايقه من كل شي ، وفي جانب آخر انا بنت جامعية اقوله يبا ابي فلوس انا دوامي من 9 لي 4 العصر !! ابي اكل ابي اسوي بحوث اوراق هذه مو مدرسه ، مرات يعطيني 5 دنانير حق اسبوع مرات يعطيني دينارين ؟ ليش يبا انا مو بنتك !! ما استاهل تصرف علي ؟ ليش جذي 5 دنانير حق اسبوع ماتوكل خبز ، والجامعه ربحيه جداً علج اكسترا اللي جم حبه بنص ديناار !! صمونة حلوم وعصير بدينارين ؟ خلاص خلصت الخمسه من اول يوم !! , انا ماحب اقول حق امي شنو صار بس قتلها ، انا امي مسكينه مريضه مابي اعور قلبها واضايقها وظروفها على قدها ومشاكل لي الراس ليش ازيدها هم على هم ، والله قلبي ما يطاوعني ابطل حلجي واتحجى جدامها ، امي ما تستاهل اللي يصير فيها مابي اضيق خلقها علي ، واهي اكلنا وشربنا وكل شي عليها وساكنه يدتي معانا واخواني اهي تعطيهم هم انا يعني ، وابوي زين وينه ، ليش كله اهو مرتاح اهي اللي تشقى وتتعب لازم يتحمل مسؤوليه لو شوي ع الاقل ، اهي ماتردني بس اطلبها لكن انا ابي ابوي اهو اللي يدفع ويصرف ويحس انه عنده عيال ، ابوي عنده خير ما شاء الله محد اولى بانه يصرف عليه كثرنا ، بنات الشوارع مو اهم منا ، ولا وصاخة الدنيا اهم من لحمه ودمه احنا عياله ، المهم عاد طفح الكيل وقلت حق امي هالسالفه عن التاير والسياره ، جان تمسك اخوي تقوله علماً يوصل ابوك ويتعداه انا بنتي كانت بتروح من ايدي ولو راحت دم ابوك واهله ما يكفيني روح قوله ان مادرب بنتي وطلعلها ليسن وسياره راح ارفع عليه قضيه وغصباً عليه بيطلع ، طبعاً امي بس تهدد ما يطلع من امرها شي ، احنا قادرين صح بس اهي مقتنعه بمبدأ البنت ما توقف بويه ابويها :eh_s(4): ، عاد ثاني يوم جان يحطلي مدربه مع زفه حقي لاني خليت اخوي واسطه وانا قتله اسفه وهالكلام فقط لاني ابي اسايره ، عاد الحين السياره اكلمه عنها يقول لما يخلص بيتنا بجابر احمد ، يعني انطر يا حمار لين اييك الربيع ، والبيت امطول ، يعني يبيله سنه وفوق ، بنات انا خايفه شلون اركب بسياره ريلها والقبر اكثر من مره توقف وانبط التاير شناطره انا !!! شالحل ، والمصروف هم شالحل !!





اناشدكم يا كويتيات ويا بنات العالم أجمع انكم تلقون حل حق مشكلتي العويصه الي ضقت ذرعاً بها :eh_s(2)::eh_s(2)::eh_s(2):