شوفوا بدايه الخير مع سوره البقره ماشاء الله

اشلونكم يا بنات
تجربتي الي بكتبها مو تجربه احد ثاني كنت بمشكله تسكرت في ويهي من ظالم ظلمني حسبي الله ونعم الوكيل الامور حيييل تعسرت مافي امل كلش انها تنفرج بس مع قراءه سوره البقره صار لي اسبوعين وانا اقراها وقبل امس دعيت يارب هالمشكله بالذات خلصني منها اذا انا مظلومه انصرني كنت ادعي بصلاه الليل ولان ربي كريم لطيف رحيم مايقصر نصرني وهالسالفه بالذات تسكرت للابد اوكي مانحلت مشاكلي مع هالظالم بس هالمشكله الي طيحني فيها اي انحلت وتسكرت في ويهه كان ناوي لي بالمضره يمكرون والله خير الماكرين الحمدلله وانفرجت الحمدلله الحمدلله والله البقره بس ماراح استغني عنها ماقدر عالاقل ثلاث ايام بالاسبوع اذا صار ضغط وعسى ربي يقدرني اقراها يوميا

شوفوا والله انا كل شي اسويه استغفار ودعاء وصلاه الليل وصدقات بس اقوى شي معاي بفضل من ربي سوره البقره

سبحان ربي مايقصر نتقرب له بالطاعات يعطينا ويرضينا احبك يا خالقي يا مولاي
دعواتكم ان الله يبشرني بمرادي ولكم بالمثل