أحم أحم .. خبرةة متزوجه حياكم ل أي استفسااار ..

صباح الخير
اشتقت لكم مووت يا بنات
و والله اني احبكككم ب الله
وكل حرف اكتبه يجي من قلب و نيه صافيه واعتبركم خوات لي
هالموضوع نزلته لأي وحده متوهقه تجي تسدح مشكلتها ..

وقبل كل شي


ي بنات لا يلهيكم التجهيز وركضت السوق عن نفسكم والدعاء لنفسكم
ترا التوفيق اهم من كل شي

ونصيحةة اخت
بكل سجده قولي هالدعاء ( اللهم ملكني قلب من ملكته امري )
وادعو لنفسكم و اكثرو استغفار

الحمدلله عرسي تم ب احسن حال وشكلي كان حلو
ومكياجي عند الطاف الخلف
نفسيتها وتعاملها وشغلها قمه وفوق الخيال

تجهيزي كان شويه والحمدلله هذا احسن شي سويته
السوق مو طاير
وشريت اشياء بسيطه احتاجها لمدة شهر
ولاني مع حمولتي كثرت دراريع البيت وفلاتات حلوه وشكلها غريب شي ناعم و شي فيه شوارفسكي وحركات
لان ماحب انزل بالكعب مهما كان ترا بس اسبوع وبتحسين خلاص هذا بيتج
وحمولتج قاعدين عادي ف شكلي غلط نازله بكعب و ابرق وارعد
النعومه حلوه ..

واي شي اذكره راح اسدحه لكم
واي شي تبونه امروني لكم عيوووني