:: فارقك (جل وجهه) مثل فرق الصــلاه***والمدينه / ويثرب / والحرم / والبقيـع :::
[align=center]جديدي لمنتدى غـــرابيل[/align]
[align=center]صلو على النبي
الاخ والوالد والعزيز ابو شنب ..... ( عبدالهادي اليامي)
المرافق الخاص لصاحب السمو الملكي الامير / محمد بن فهد بن عبدالعزيز
امير المنطقـــه الشــرقيــه ............[/align]
[align=center]http://top3gp.com/3/top3gp_46922673.jpg[/align]
[align=center]
[align=center]رجل لم يعدمن أمثاله ســـوى القليل ( مع الاحترام )
رجل اياديه البيضاء تطـــول كل ظلام
رجل يقف رجـــوله عندما يسمعى كلمة ( تكفى ) ؟؟؟؟؟
رجل يعجز الشكر والعرفان عن ترجمة المشااااعر له
ولمواقفه معي انا شخصيا ً .........[/align]...[/align][align=center]حــاولت ان يكون للقصـيد أأأأأي دور [/align][align=center]
فكان هــذا الناتج
اتمنى ان ترتقي لقلوبكم وعقولكم
مرروها لقلوبكم النقيــه وبذايقـتكم التي لن تخــذلني [/align]
[poem=font="Simplified Arabic,5,black,bold,normal" bkcolor="transparent" bkimage="backgrounds/18.gif" border="double,4,gray" type=1 line=0 align=center use=ex num="0,black"]
أنت ياللي علومـك كـل ابوهـا طـراه=لوسكتنا حـرام / ولـو مدحنـاك ريـع
أنت فوق الكـلام وفـوق حتـى سمـاه=وأبجدي القصايد فـي فعولـك يضيـع
لن مبداك حكمـه / وإتـزان / وجـراه=وأي شي(ن) تقوله مثل حسن الصنيـع
جمـل الله حـاك ماعلـيـك أشتـبـاه=كل مابان نورك / شمـع غيـرك يميـع
لو للافعال سيف ولـه نصـاب وشبـاه=ماتجندل عزومك وأنـت قرمـا شجيـع
ولو نسولف بذكرك للبحـر جـف مـاه=ويتبخر ويصبـح عقـب غـدره وديـع
ويش هضبة طويق / ووش جبال السراه=انت مافيه مثلك لـو نسـوم / ونبيـع
لانـك لاطـر جيبـه مستجيـر وفـراه=جيت مثل السحاب اللـي لوبلـه رثيـع
ومن وقف عند غيرك مايحصـل حـراه=ومن وقف عند بابـك بشـره بالربيـع
حاجبك طلـق ولسانـك معتـق جمـاه=وشبح عينك بعيد / وطول بالك وسيـع
وقلبك أطهر من اللـي معتـدل للصـلاه=وكفك أكرم من اللي مانهر لـه جويـع
لك مثل هيبة النازي / او أيـران شـاه=ولك مثل حب أبو متعب لشعبـه جميـع
محترف للجمايـل يـوم غيـرك هـواه=صيرميا ً بتـوع / وضيغميـا ً صديـع
جعل من جاب مثلـك يرحـم الله ثـواه=فطموك المراجل وأنـت تـوك رضيـع
لين قمنا نشوفـك وسـط كـل أتجـاه=كلنا قلب (شالح) / وأنت مثل (الفديـع)
نختلـف فيـك لكـن لاختلفـنـا رواه=كـل وأحـد يحـاول قـد مايستطـيـع
والا أنا يوم اغني حافظ (ن)لي وصـاه=لونشرها المحـرر / ماقراهـا المذيـع
معتبرهـا حلالـي وأوجبـت للـزكـاه=راس مالي ولا لي غير مدحـك شفيـع
يازبـون المجنـا / والمـلاذ / ورجـاه=ياعصى كف موسى / والذرا / والمنيـع
فارقك (جل وجهه) مثل فـرق الصـلاه=والمدينه / ويثرب / والحرم / والبقيـع
لجـل ذا أستغفـر الله لاشريـك سـواه=مالك الملك / والفرد الصمد / والسميـع
البحـر مايقيسـه كـون غبـة مـداه=ما يشبـر ولا لـه بـالمـذارع ذريـع
والجبل لوخذينـا مـن علـوه حصـاه=ماتبيـن طمانـه لانـه خلقـه رفـيـع
وأنت والله لو اكتب لين تفنـى الـدواه=مالحق أول وصوفك يالطويل / الفريـع
لانك اللي علومـه كـل أبوهـا طـراه=والشعر / والقصايد /في سموك تضيـع
اخوكم // عبدالعزيز اليامي[/poem]
