ماأقدر أقول إلا كذا والا بلاش

يوم رفعت خصلاتها طار الشذا
ويوم جمعت خصلاتها طار الفراش
قالت وش الاحلى كذا ولا كذا
قلت البراءه يا كذا والا بلاش

اذا زعلت أزعل على الدنيا وإذا
رضت احس الليل يتساقط رشاش
في قلبها جرح ومواعيد وأذى
وفي عيونها حلمٍ خذوا روحه وعاش

حبيبتي الله عطا والله خذا
ليه الحزن في نظرتك والإندهاش
قولي لدمع العين يسكت لو هذا
وعيشي ترى الدنيا عصافير وعشاش

الله خلق في ضحكتك ورد وشذا
ولو ماأبتسمتي يمكن يموت الفراش
وانا كذا وإلا كذا وإلا كذا
ماأقدر أقول إلا كذا وإلا بلاش

من روائع فهد المساعد