البكيري يهتم لمصلحة نفسه وصحيفته فقط .. وهو أحد اسباب ابتعاد الشيخ عبدالمحسن آل الشيخ
السلام عليكم
بالنسبة لموضوعي الي عنوانه : عيد الجهني يزور نادي الاتحاد الاربعاء ومعه " الباص " الذي وعد به جمهور الاتحاد !
اتأسف كثيرا لاني مارديت على الردود .. واليوم دخلت على الموضوع وحاولت ارد على ردودكم لكن اتفاجأت ان الموضوع تم اغلاقه !! عموما قريت جميع الردود .. والحمدلله فيه كثير من جمهور الاتحاد اصبحوا يحبو الكيان اكثر من الشخصيات !
نرجع لموضوعنا .. اولا : قارنوا بين الاعلامي عادل التويجري والاعلامي محمد البكيري ؟!
عادل التويجري يدافع عن رئيس الهلال وسامي الجابر وينتقدهم ولو حتى غلطوا يمسك نفسه مايتكلم ليش؟؟ عشان الكيان الهلالي لانه اعلامي يحب ويعشق الهلال.
محمد البكيري من بعد اقالة منصور البلوي من رئاسة الاتحاد وخروج جمال ابو عمارة بدأ الحملة على كل ادارة اتحادية , ويهاجمها بدون سبب ويريد ان ينتفع من نادي الاتحاد , وللاسف اكثر جمهور الاتحاد اتبعه وصارو يصدقونه ! ياخوان البكيري يبحث عن مصلحته ومصلحة جريدته ومصلحة الي يعمل عندهم .. واما نادي الاتحاد وكيان الاتحاد عنده في حريقة .. بعد خسارة الاتحاد كاس ولي العهد وكاس الامير فيصل عام 2007 من امام الاهلي .. ماشفت البكيري انتقد منصور البلوي ؟؟!!!!! والاتحااد كان جدا قوي ومميز ولكن لم ينتقد منصور البلوي .. وبعد خسارة الاتحاد كاس اسيا امام بوهانج الكوري عام 2009 .. على طول اشتغل على ادارة الاتحاد واتهجم عليهم وقال هم السبب في خسارة الاتحاد !! طيب ليش ماتكلمت على البلوي لما خسر الاتحاد امام الاهلي بطولتين ورى بعض ؟؟!! أرجوكم فتحوا عقولكم الاعلامي يبحث عن مصلحته ومصلحة الي يشتغل عندهم فقط. وهو يهاجم الادارات الاتحادية ويعارضها لانها ماتمشي على كيفه .
ثاني شي الاعلامي عبدالله فلاتة وهو اعلامي محمد نور مو اعلامي اتحادي .. من بعد ماطلع محمد نور من الاتحاد بدأ الهجوم على الاتحااد , لانه يشجع اللاعب محمد نور مايشجع الاتحاد .. ارجوكم افهموا هم يهاجموا ادارة الاتحاد لان مصالحهم راحت من الاتحاد مايهاجموا ادارة الاتحاد عشان مستواه سيئ ولا حبا في النادي !!
اكثر الاعلاميين الاتحاديين يبحثون عن مصلحتهم وآخر همهم الاتحاد .. الا اعلاميي الهلال كلهم يوقفون مع الكيان ولايرضون احد يغلط على الرئيس او نائبه , مع انه الهلال دفع مئات الملايين ولم يفوز بكأس اسيا , ولما خرج الهلال من ام صلال في كاس اسيا .. اعلاميي الهلال قالوا من مصلحة الهلال يستمر الرئيس عشان يكون فيه استقرار .. لانهم يبحثون عن مصلحة ناديهم مو كل سنة يجي رئيس ويخرب النادي !!
للمعلومية وخلوها في بالكم : الشركات التي تريد رعاية الاندية تبحث عن نادي فيه استقرار اداري وكل شي .. الشركات ماراح ترعى نادي كل سنة له رئيس !! ونادي مخترق من الاعلام !! ونادي جمهوره يقذف رئيسه بالقوارير !! ونادي جمهوره يصدقون الاعلام ويهاجمون اي ادارة اتحادية كل سنة !!
الشركات تريد استقرار وتريد هدؤ في النادي عشان تستفيد من النادي .
نرجع للبكيري وهو الاعلامي المحسوب على منصور البلوي .
البكيري يهاجم عبدالمحسن آل الشيخ ويهاجم محمد الباز ويتهم آل الشيخ بأنه يفرض وصاية ويتحكم في الاتحاد , ووصف محمد الباز ( بالسواق ) الذي يدير شؤون الاتحاد .. يعني يقصد ان الباز سواق الشيوخ .. وكان يمتدح البلوي ويقول انه الرئيس الذهبي رغم انه عبدالمحسن ال الشيخ وخالد بن محفوظ رحمهم الله هم الي دعموا منصور بالملايين , ولو الله ثم هم ماكان الاتحاد اخذ كاس اسيا ووصل العالمية .
واي مشجع اتحادي يكون مع البكيري ويوقف معاه يعني هو يؤيد البكيري في مهاجمته للشيخ عبدالمحسن , يعني ياجمهور الاتحاد توقفون مع اعلامي محسوب على البلوي , او توقفون مع عبدالمحسن ال الشيخ الي يدعم الاتحاد سنويا 40 مليون و 50 مليون ؟؟!
يأخوان وصلت في البكيري انه قال لمحمد الباز قول لمعزبك " يقصد ال الشيخ " ان جمهور الاتحاد ونادي الاتحاد مو محتاجين ال الشيخ , لان البلوي موجود وهو الاول في الاتحاد ! وهو المحبوب لدى الجمهور الاتحادي.
واقسم بالله وصل كلام للشيخ عبدالمحسن آل الشيخ ان جمهور الاتحاد مايبونك (يعني جمهور الاتحاد لايريدون ال الشيخ ) لان صحيفة الرياضي تمثل رأي اكثر جمهور الاتحاد , والشيخ عبدالمحسن قال دام الجمهور مايبوني ابتعد افضل لانه انسان راقي مايحب يكون سبب للمشاكل في الاتحاد ... عام 1417 بدأ دعم آل الشيخ لنادي الاتحاد ورفض ذكر اسمه , وقال لكل الادارات الاتحادية لاتذكروا اسمي , قولو اني العضو الداعم بدون ذكر اسمي .. كان يطالب الادارات الاتحادية بأكثر من بطولة في الموسم ! فقط هذا شرطه الوحيد وطلبه على كل ادارة , ال الشيخ يبغى الاتحاد يكون رقم 1 .
ويجي البكيري الي تسمونه كبير الاعلاميين الاتحاديين وشيخ الاعلاميين الاتحاديين يصف محمد الباز بالسواق ويصف ال الشيخ بالمخرب لنادي الاتحاد وايضا يتهم ال الشيخ بأنه يتحكم في النادي !!!!
عموما اي مشجع اتحادي فيكم يكون مع البكيري , يعني هو ضد ال الشيخ , ولايحترم ال الشيخ .
شوفو الامير خالد بن عبدالله مادفع ولا ربع الي دفعه عبدالمحسن ال الشيخ لكن هو الرمز في الاهلي ومافي احد يسيئ له ولا فيه اي اعلامي اهلاوي يتكلم عليه وينتقده ! لانهم يعلمون لو ابتعد خالد بن عبدالله بينتهي الاهلي!
شوفو الامير بندر بن محمد في الهلال مادفع ولا ربع من الي دفعه عبدالمحسن ال الشيخ وهو الرمز في الهلال ومافي اي اعلامي هلالي يسيئ له او يتكلم عليه !
الشيخ عبدالمحسن آل الشيخ حفظه الله دفع من جيبه الخاص للاتحاد اكثر من 640 مليون ريال .... وطلعت لامي واحمد مسعود وابراهيم افندي وامين ابو الحسن قالوا انه دفع مايقارب المليار ريال !! اتحداكم اتحداكم تجيبو اي شخص او عضو شرف في نادي الهلال او الاهلي او النصر ويكون دافع تقريبا مليار ريال !! مافي ولا احد دفع كذا.
ومع ذلك يجي البكيري عندما كان في صحيفة الرياضي وهي صحيفة البلوي والمخصصة لمدح البلوي .. يجي وبكل بساطة يسيئ للشيخ عبدالمحسن ال الشيخ ومحمد الباز !!
طبعا هذا سبب من احد اسباب ابتعاد عبدالمحسن ال الشيخ لكن ليس السبب الرئيسي.
