زوجي يخونني..ليتني لم أتزوج

صار لنا معرسين 4 شهور واكتشفت خيانته لي من خلال حسابه فالانستغرام

ضايف اخواني على لانستغرام وواحد من اخواني رواني صوره ... دوم يحط صوره

وخاصه صور الي لها علاقة بعمله.. المهم دخلت على حسابه لقيته برايفت فسجلت

حساب آخر وتابعته.. كذا مره كلمته عشان يضيفني عنده وانه فخاطري اشوف صور

الي ينشرها فالانستغرام وكان رده حسابي كله شباب وانا ما ارضى حرمتي تدخل فيه..

في البداية قعدت اطمش ع صورة وعقب لفت انتباهي انه حسابه 90 بالميه بنات من

كل الاصناف عربي واجنبي.. دخلت على بعض من بروفايلات هالبنات لقيته يحط لهن

لايكات وشيء منهن يحطن صور جنسيه وما يكتفي بلايكات يحط تعليقات ع صورهن

هالشيء صدمني وجرحني لأبعد الحدود.. ويشهد الله انا ما مقصره فيه وبشهادته هو

نفسه... المهم حسابي الثاني المزيف بديت اسوي لايكات وتعليقات ع صوره وهو يرد

ومتحمس وتفاجأت اليوم علق ع صورة فحسابي المزيف كاتب فيها رقم البن كود

ماله انصعقت قلت مستحيل ..شيكت ع فوني نفس البن كود الي عندي.. ما اعرف

شو اسوي الدنيا دايره فيها..

هو عمره 35 سنه وانا 28 مش صغير يعني لو كان عنده هالسواف المفروض خلاص

يقطع.. ما بتكلم عن ماضيه لانه مالي حق ارمس لاني ما كنت موجوده فحياته بس انه

الماضي يستمر فالحاضر فهذا شيء ما اقبله..

افكر اواجهه بس ما اعرف كيف.. اخاف اخرب بيتي ويقلبها هو ضدي اني اتجسس

عليه ويطلعني انا الغلطانه.. كلمت 2 اثق فيهم من اهلي وحده قالت لي الشباب كلهم

جيه خلي عمرج ما عندج خبر دامه ما مقصر وياج وثانيه ما عطتني راي..

دخيلكم يا بنات ساعدوني.. قهرني وجرحني