نــــــصــــــــــيــــــ ــــــحـــــــــــــه
اغنام - ابل - دواجن - طيور
دنياك لو تسوى من الحزن ذره ،،
ما كان تاليها توابيت وقبور ..
العمر يمضي بين حلوه ومره ،،
والموت حق وقابض الروح مأمور ..
دام الحياه الفانية مستقره ،،
ورزقك يجيك وبين الأجواد مستور ..
لا تنشغل بالوقت برده وحره ،،
واحذر تصير بقسمة الناس مقهور ..
وحكم القدر لاجاك خيره وشره ،،
اشكرعظيم الشان والذنب مغفور ..
والمجلس اللي يزعجك لا تمره ،،
خله تراك بشوفته منت مجبور ..
اطلق خيالك واترك النفس حره ،،
وخل الطبيعه في حياتك لها دور ..
وبالليل لا بانت نجوم المجره ،،
اذكر بديع الخلق باحساس وشعور ..
واسجد لرب الكون مره ومره ،،
واحفظ لسانك واترك الكذب والزور ..
وفروض ربك خلها مستمره ،،
وطاعتك لا يدخل بها نقص وقصور
kJJJJJJwJJJJJJJJJJdJJJJJJJJJJJJpJJJJJJJJJJJJJi
