حياتي المأساويه مع حمولتي وزوجي قبل الطلاق .. الظلم شعور صعب

مساء الخير شلونكم بنات ان شاءالله بخير

بنات فيني ظيقه وصاكه فيني الدنيا انقطعت فتره عنكم لاني كنت تعبانه

بنات بعد طلاقي تعبت نفسيآ مو لأني تطلقت لا انا الي كنت طالبه الطلاق وعن قناعه والحمدلله الي فكني منه

لمن اقعد بروحي يمر علي شريط حياتي معاه ومع اهله والله اني كنت له كل شي بحياته وماقصرت بشي سنع وذرابه واحترام واخلاق عزيت اهله وشلتهم فوق راسي حتى خواله حبيتهم وجيتهم ودخلت بيوتهم واحترمتهم وامه اه ي امه كنت لها بنتها الي ماجبتها لاجيتها حبيت ايدها وراسها وقعدت اهمز رجولها واسولف عليها وماشافت مني الا كل خير

بداية عرسي لمن كان في مشاكل بيني وبين زوجي كانت تقط علي نغزات ان انا منكده على ولدها واني صغيره ماعلي شرها .. تخيلوا بنات كنت اقعد من النوم سيده انزل عندها واقعد معاها ماكنت متعوده ع القعده بروحي كنت توني عروس وجايه من بيت اهلي متعوده ع الجمعه والمه والوناسه .. وكنت كله عندها .. عقب ولادتي تغير الحال حسيت اني خلاص ام وصار عندي اسره

والله العظيم صرت كل يوم ارتب وانظف شقتي وابخرها واجهز قهوتي والجاي والحلا والفطاير والبس واتكشخ واقعد مع زوجي تغيرت حياتنا مع ولدنا واستانس ب وضعنا الجديد وكل يوم العصاري يتقهوى معاي ونسولف ونظحك وارتحت اني صرت احس باهتمام من صوبه وانه بدا يقعد ببيته مع مرته و ولده .. بعد مده بسيطه جاني معصب ومتنرفز شفيك ي فلان عسى ماشر شنو الي مظايقك تخيلوا شنو الصدمه ..

امي تقول انت كله قاعد عند مرتك انت بس تتقهوى معاها بس تمرني شوي قبل تطلع تاخذ لك فنجال وتقعد شوي وتمشي

سبحان الله مو انتي الي كنتي تقولين اني منكده على ولدج واني راعية مشاكل وماعلي شرها شنو الي تغير الحين لمن شفتي ولدج مرتاح ومستانس وصارت حياتنا حلوه وتغيرت للأحسن قمتي تعبين راسه علي وتبين تخربين بيته

قسم بالله والله العظيم انه كان يقعد من النوم يتقهوى معاي تقريبآ ساعتين ويطلع ولا اشوفه الا الساعه 1 بليل يعني انا مرته نصيبي فيه ساعتين وعقب ينزلج يتقهوى عندج شوي ويسلم عليج ويروح يشوف اشغاله ولمن يرد بليل يدش يسلم عليج ويقعد معاج عقب يطلع شقته شنو تبين اكثر ماخافت من ربي تبيه لها وبس حبها له حب تملك وفيها غيره لمن كنا نطلع ولا نروح مكان كانت تتظايق ومرات لمن كنت احط ولدي عندها تقوله لاطولون بالطلعه

والله ي بنات من عقب ماقامت تحن على راسه يقوم من النوم يغسل وجهه ويطيييييير على امه ويقعد ساعه ساعتين لاخلص دش علي بدل وطلع وانقلبت حياتنا فوق تحت بسبب امه

والطامه الكبرى

جاني بيوم يقولي ..............

أنا ماراح أسوي معاج شي الا بالويك اند عشان اقدر اقوم الصبح مصحصح انزل اقعد مع امي لان تتزايق اذا ظلينا نايمين لي العصر

شفتوا وين وصلتني مع زوجي

لاشافتنا شمقعدكم لي الصبح شمنومكم لي العصر

بالذمه في مرا محترمه تسأل ولدها ومرت ولدها هالسؤال

تغير زوجي علي و وهب حياته لخدمتها سوق جمعيه خياط ود خدم جيب خدم مراجعات طبيب .. للعلم عندها سايق وعندها ولد عزوبي بالبيت يسوق وعنده سياره وفي واحد متزوج بعد معانا بنفس البيت بس لا نحاسه على هالطيبه المسكينه الي لاتتكلم ولا تعرف اداحر وترادد تبيه لها وبس تغار عليه مني وهو مو رجال سمع كلامها ومشى وراها لين خسر بيته ومرته و ولده الي للحين ماتم سنه جاه قلب يخلي حبيبته الي كانت له الام والاخت والزوجه والحبيبه الي كانت حاطته بعيونها الي ماتقوله الا سم ابشر من عيوني حاضر

مابين بعينهم المعروف مابين طيبي واصلي معاهم جحدوني وخربوا حياتي وبناتها شايفين وساكتين وبنتها الكبيره كانت شايفه وراظيه وتشجعها

لو اقولكم شنو قدمت له وشلون كنت اسعده مني لي باجر ماخلصت احلا لبس البس له ودايمآ انيقه ومحافظه على رشاقتي حتى بعد ولادتي كان دايمآ يقولي بعد الولاده بتنسيني وبياخذج مني البيبي

ولدت وزادد اهتمامي حفلاتي واليالي الرومانسيه والهدايا والاهتمام بنفسي وبشقتي كنت معيشته بسعاده الله شاهد علي وعلى كلامي وعساها بذمتي ليوم الدين اني كنت مخليته اسعد انسان

والله اكتب لكم ودموعي على خدي من القهر

ابسط احلامي معاه انه يحترمني
كنت اطلب منه الاحترام وانه يحسسني اني انسانه
كنت اقوله قدرني جدام اهلك حسسني اني زوجتك اثني علي لاتعبت و وقفت لكم وسويت

ليش بس ابي اعرف ليش خربوا بيتي ليش خطبتني له دامها تبيه لها طيب مابي اعرف

ليش سمع كلام اهله ليش هدم بيته وخسر مرته الي شايلته فوق راسها عشان خاطر اهله ليش ماقدرني ليش ماحترمني ليش ماحسسني اني انسانه وين الاحسان الي وصى فيه رب العالمين وين المعروف وين الحنان

ماعمري ضريت احد طول عمري بحالي اما افيد ولا اسكت واظل مع نفسي

ظلموني وخربوا بيتي وهو كان العبد المطيع لهم

عسى الي جاني مايجيكم وعساني اشوف حوبتي .. حسبي الله هو نعم الوكيل

حسبي الله هو نعم الوكيل
حسبي الله هو نعم الوكيل
حسبي الله هو نعم الوكيل