ابشركم الاهلي قادم قادم مسالة وقت فقط لاكتمال الفريق

سلام عليكم

طبعاا الاهلي الان يمر بظروف صعبة نقص بالاجانب واصابات محلية وعدم استقرار ..و..و

طبعا لو فريق بالعالم يلعب ناقص 3 اجانب مهمين للفريق (مهاجمين - صانع لعب ) لحالهم ذولا عامود فقري لاي فريق الهجوم والصناع !

الاهلي قادم قادم لامحاله بعودة سوك وقدوم ليل وجلب صانع لعب يمولهم بالكرات ويصنع الفارق بالوسط !

الكل يعلم بالصحافة هالايام تكرر اسم روني دنمو فريق هرتا برلين بان بيريرا يبيه بالتحديد

ابشركم توي متفرج مباراة لهرتا برلين صانع هدفين ودنمو الفريق وممول الفريق الوحيد !
والمحللين والمعلق يمدح فيه وكل فاولاته خطيره وركنياته بالملي

اهلي بيريرا قادم وبشغل احترافي !

برونو صفحة وانطوت فكتور شكرا على روحك شكرا على حبك وحنا نحبك للابد لاكن من بعيد لبعيد لان مصلحة الاهلي فوق الجميع لآ للمجاملات ونعم للتصحيح وجلب البديل اللذي يصنع الفارق !

طبعا الثلاثاء مع العروبة وبملعبكم حرام مانملي الملعب بوسط التحلية ونشيل فريقنا من دور الـ16 لدور الـ8 !

وقفنا مع الاهلي وهو بدون مدرب وهو بدون اجانب ووقفنا ..إلخ
فمابالكم للاهلي وهو يحتاجنا بعز احتياجه لنا وهو يمر بفترة تصحيح !!

أي فريق بالعالم يبدا فترة تصحيح اول شي ينسى الماضي ويتركه بقناعة تامة عشان يتاكد ان شغله للمستقبل ماشي بالشكل السليم

الاهلي راجع راجع لامحالة مسالة اكتمال صفوف فقط وجلب اجانب وراح نشوف الاهلي المرعب قادم

الي يبي يحط فكتور فوق النادي يروح هو وفكتور يسوولهم مدرج ولا منتدى بالبرازيل ويبسطو ماعندنا مشكلة لاكن الاهلي فوقهم جميعا
ما انكر ماضيه الجميل لاكن برضو ما انسى انه حنا بزمن احتراف وريال مدريد تخلى عن اسطورته راؤول لشالكه وماحد قال ليش لانه خلاص انتهى ماعاد يقدر يقدم زي قبل 5 , 6 سنوات

هذا التفكير السليم لمستقبل واعد !

بدر يقول لكم هالله هالله يارجال الاهلي !

موعدنا الثلاثاء بحيل الله والفوز حليفنا والوقوف مع الفريق الموجود الان وعدم التحطيم ودعم ومساندة اللعيبة والمدرب والادارة هو المطلوب لعودة الاهلي للواجهه