-
دروس وعبر
اقدمها لكم بدون مقدمات كماهي اتمنى ان تحوز على رضاكم
[poem=font="Simplified Arabic,6,black,bold,normal" bkcolor="transparent" bkimage="" border="double,4,blue" type=2 line=0 align=center use=ex num="0,black"]
لن الحياه بكل مافيها هي دروس وعبر = من تضربه ولا اعتبر ترجع اليه وتضربه
ماللمصايب قالوا اهل المعرفه غير الصبر= والصبر لادراك الفرج اول سبيله واقربه
لو صارت الدنيا علينا مثل فتحات الابر = حزامنا بالله على صعاب المواقف نكربه
ليه نتسابق بالملام ونندب الحظ الغبر = ليه نتقهوى بن دله هي اساسا مسربه
المسأله تحتاج وقفه من طويلين الشبر = اللي على صعاب الدروب اقدامهم مستدربه
الى متى الى متى يااهل المقام المعتبر = وارائنا متشتته واجوائنا متكهربه
في جمعة الراي الحياه وفرقة الراي القبر = تدفن به آمال التوحد ويتساوي متربه
الشق مازاله صغير يخاط وان همل كبر = الواجب انا من قدايمنا كسبنا التجربه
خلافنا يبقى بسيط بحكم لو دبر دبر = لكن مصيبتا واعجب شي فينا واغربه
نروح ندور للعدل عند اللي يسبرنا سبر= ونغمة تخاصمنا تزيد وبالزياده تطربه
ننصبه فينا حكم رغم اننا معنا خبر = انه حكم ظالم ومنه الظلم مانستغربه
قميصنا شافه مشاف العين [قد من دبر]= لكن تعمد كل بيت للعداله يخربه
نعم نعرف انه حكم اقسم ولكن ما ابر = ما دام حنا منصبينه مايجوز نعذربه
من سلم الرايه ردي على ردى الحظ انثبر= واللي يتهرب لايفكر يسلم بتهربه
المشكله فينا ممر خلاله الكيد يعبر = مقلب وكل يوم يتكرر رغم ذلك نشربه
الكسر مايعدي ولو ماطاب وان جبر جبر= الموت الاجرب لا انترك علق مع الناس جربه
لو قلنا كل اللي تقدم مبتدا وين الخبر = المبتدا مانختلف بس الخبر كيف اعربه
يمكن لو احلل دما كل العرب بالمختبر = يطلع قليل العاربه والاغلب المستعربه[/poem]
وسلاااااااامتكم
-
الشق مازاله صغير يخـاط وان همـل كبـر
الواجب انا مـن قدايمنـا كسبنـا التجربـه
خلافنا يبقى بسيـط بحكـم لـو دبـر دبـر
لكن مصيبتا واعجـب شـي فينـا واغربـه
نروح ندور للعدل عند اللـي يسبرنـا سبـر
ونغمة تخاصمنـا تزيـد وبالزيـاده تطربـه
//
//
لو قلنا كل اللي تقـدم مبتـدا ويـن الخبـر
المبتدا مانختلف بس الخبـر كيـف اعربـه
يمكن لو احلل دمـا كـل العـرب بالمختبـر
يطلع قليـل العاربـه والاغلـب المستعربـه
رائعة في الصميم ..تبث الكثير مما يعتمل في النفوس ..
ولكن إلى متى ونحن نقول ولانفعل ..هنا السؤال ؟
سلمت ودمت شاعرنا بهذا الفكر تصور العذب المميز ..
-
سبقتني لين
على المقعد الفاخر يصح لسااااااااانك ياشيخ الى رضاك
شاعر من العيار الثقيل ياشمري ولاهي غريبه فيكم تقبل تحيات
اخوك
7
7
7
7
-
صح السانك وفالك التوفيق
ابداع
-
في جمعة الراي الحياه وفرقة الـراي القبـر
تدفن به آمـال التوحـد ويتسـاوي متربـه
ابداع ابداع
صح قلبك وكلك
وسلمت اناملك
تحيتي لك
-
الله الله
صح الله لسااانك وسلم بناااانك
قصيده رااااائعه
لاهنت ياخوي
عنود
-
قميصنا شافه مشاف العين [قـد مـن دبـر]
لكـن تعمـد كـل بيـت للعدالـه يخـربـه
بن مناحي احمد الشمري
صح لسانك ملااايين
يسلم قلبك
لا هنت
مودتي
.
-
أخوي أحمد مناحي الشمري
صح لسانك وبيض الله وجهك
رايعه ووافيه من وافي
لك فائق احترامي وتقديري
-
صباحك / مساءك سكر
.
.
أحمـــــــــــد الشـــــــــــمــــــــــ ـري :
( الصـمـت في حـــرم الجمـــــال .. جمـــال ) ..!!
.
.
سأعود بلاشك ..
-
احمد بن مناحي الشمري
جزله من راس وافي وجزل
سح لساااانك
-
[align=center]
أحمد الشمري
http://www.sfsaleh.com/vb/attachment...0&d=1150313192
صح لساانك حد رضااك
بيض الله وجهك يالجزززل
قصيدة رائعة فعلاً ..
أشكرك!!
http://www.sfsaleh.com/vb/attachment...1&d=1150313192
[/align]
-
الرائع والغالي
ابن العم احمد الشمري
هنا حروف ودروس وعبر
راقي مامديت لنا
ومميز طرحك الراقي
للله درك وصح لسانك
لك كل تقديري واحترامي
-
يمكن لو احلل دمـا كـل العـرب بالمختبـر يطلع قليل العاربـه والاغلـب المستعربـه
هلا وغلا
والله بنعم بشمر أهل الطنايا
صح لسانك
أبيات قوية المعاني
وفقك الله
اخوك/ عبدالهادي الجهني
-
لين
شكرا لكي على المرور العذب
وشهادتك اعتز فيها
لاعدمتك
-
محمد الروقي
صح الله بدنك
ماعليكم زود ياعتيبه الهيلا
ومكانكم في القلب دايما محجوز مايسبقكم عليه احد
