قصة ولادتي / ومشكلتي في حمالي هذا

،
















بقولكم قصة ولادتي اول
واللي صار وياي
وحمالي هذا ومشكلتي
واسفه ع الاطاله


المستشفي : العرف
الدكتور ؛ مدحت
التاريخ 2012/9


حمالي الاولي
اخر يومين من التاسع كان باقي يومين واعوشر
طبعا كنت عند دكتور مدحت بالعرف
من اول حمالي لي اخره
المهم دشيت الولاده لان نزل علي ماي البيبي
كنت داخله اصلا قبلها بيوم معاي طلق بس الرحم 2 سانتي
وحامي الطلق اقولكم الموقف الظريف اللي سويته
قبل لا اوصل امستشفي

((كنت برح الممشي امشي وحسيت باعراض الطلق
اللي كانت بطني تشد حيييييل وترد ترخي
طبعا ماكنت اعرف الطلق بس ياني اول الثامن وعرفته
وكان قوي بس الرحم مسكر عطوني ابر الرئه عشان ان ولدت او شي
والثانيه بعد 12 ساعه ووقفولي الطلق
المهم بيوم اللي قبل الولاده حسبت ان فيه نفس الاعراض
بس وين من شده لي شده قمت سبحت واستشورت شعري
وقلت بيني وبين نفسي بروح الممشي وريلي بيوديني طبعا ماقلت ان معاي شي
خفت ان بس جذي مو الصجيه
المهم رحت وطلعت عادي مافيني شي
بالسياره قبل لا نوصل الممشي
اتيني طلقه اللي اقول حق ريلي ودني المستشفي يقولي ليش اقوله بس ما اقدر
احس معاي شي شنو طلق اقوله ما ادري بعدين تروح
اقوله خلاص خلاص الممشي يطالعني قالي الحين وين نروح اقوله الممشي
لفينا ولا اتيني طلقه ثانيه ولا اقوله خلاص خلاص المستشفي
يقولي هاا تلعبين اقوله لا بس معاي طلق ويرد يلف بعدين تروح
جن مافيني شي واقوله تصدق احس ان تو الناس لو امشي احسن
قالي تلعبين قلت لا بس ما ادري يعني المهم وتني طلقه والا صرخه وحده
المستشفي وندش بزحمه الخامس ومن الالم صرت ابجي ان يت الطلقه
ولما تروح اهدي))

وفعلا ونروح يقولي دكتور الطوارئ ولاده لان الرحم مفتوح 3 والطلق حامي
ودخلت غرفة العمليات ودكتوري علي طول يا
و لما يا الفحص اخذت كمام كان 2 مو 3
وسوالي توسعه الله يخلي شفطة الكمام
المهم جم ساعه ويخف الطلق حيل وينزلني الغرفتي
وقمة الاحراج ريلي داق مبلغ اهله ولا اروح الغرفة وكلهم موجودين
واهلي بعد
احراج واصلا تعبانه وشكلي اكس
المهم قال ننطر مني لي باجر الصبح ونشوف
ويسون لي تخطيط كل ساعتين
وتميت من 10 بالليل لي 6 الصبح معاي طلق بس الرحم نفسه
6 الصبح وقف مافي شي جني جذابه
الساعه 8 الصبح
ياني قالي ردي بيتكم
(( مافيش ولاده بالعفيه ))
ولا راح اعطيج طلق صناعي واللذي منو
عشان طلق صناعي معناته في احتمال قيصريه
ممكن يضبط ويانا او ممكن ماينفتح الرحم ونحولج قيصريه
وانا ما ابي اغامر
وردني البيت وسولي خروج وطلعت
للامانه النفسيه صفر
حيل توقعت بدش بطلع معاي البيبي
دخلت غرفة الولاده اخرتها رادا البيت
علي ما سوينا الاوراق وجذي طلعت ع الساعه 12
من القهر حطيت الحره بالزنجبيل والعسل شربت يمكن قلاصين
او 3 زنجبيل بالعسل ما ادري شون تحملت الطعم والعسل طبيعي
اختي كانت سهرانه وياي حرام تعبت وتحسب وياي كل طلقة اتيني
وسبحان الله لين وقف المهم بتنام وتولي يالله جدامي تنمين عندي عشان
ماتولدين وانا ما ادري خخخخخ اروح وياج
المهم رحت بنام بريح تكرمون دشيت الحمام وطاحت قطعة دم اشي غريب المهم
رحت انام طبعا النوم اللي نايمه و مو نايمه احس بالم مو طبيعي
بس اتقلب بس اتقلب اللي الفي شوي واتقلب شويات
الساعه 4 قعدت احس ابي حمام مت ماكوو دقايق ولا ينبط الماي مال البيبي
وبسرعه ابدل واقعد اختي وننزل عند امي ونروح المستشفي
وصلنا الا دكتوري يضحك يقول ماكنت بحط اج طلق بس دام الماي نزل مافي
جدامي مجال ويقيس الا 2 سانتي لي الحين
نطر علي عل وعسي يفتح الرحم ماكو عطوني الطلق الصناعي
وتميت من ال 4 لي ال12 وانا اولد
حتي نبض البي بي قل ولبوني انام علي جنب
ولويه والدكتور يروح ويرد
واخر شي الرحم تبطل 9 بس
وعلق البيبي حاولو يمين يسار ماكو
شفطوو البيبي وبا يالله طلعت وصار فيها كسر بالترقوء صوب الجتف
كان وزن البيبي 3.600 وطلع كبير الوزن علي
من كثر ما طولت وصارت لويه الدكتور قالي انا غلطة المفروض انتي
ما انطر عليج علي طول قيصريه
طبعا كنت مسويه فلم داخل ههههه من الالم الشنيع وعليا بهدلتهم


علي قولة الدكتور ولاتي متعسره حيل ويالله يالله طلع البيبي
والرحم عندي مايتبطل والبيبي معن وزنها زين بس كبيره علي
وعلي طبيعة جسمي لدرجة ان صار فيها الكسر




تقيمي للمستشفي
كا اهتمام حلو والسسترات بالولاده بعد كان بالهم طويل
انا بدعت داخل من الالم دكتور مدحت يروح ويرد علي ويدق يسال
خصوصا اني تميت بالولاده من 4 لي 12 بالليل وما ولدت الا اخر ساعه
الرعايه الطبيه حلوه