السلام عليكم
]
شلونكم بنات انا بكتب لكم روايه حقيقية وانشاللللله تعجبكم
اول شي قبل لا ابتدي فيها
انا يديده بهالشي ف اغذروني اذا كان في غلطات
اللي بكتبه صج "حقيقي " ٪100
بس اللي ماراح يكون صج اهو الاسامي حبيت اغير الاسامي ف هالشي اهو الشي الوحيد اللي خياالي بالرواية كلها
الروايه حيل طويله و فيها مراحل انتقالية وايده و مو قصة ثابته عباره عن قصه حياه و تجارب ف شوي راح تتعبون
بسم اللله
راح يكون في هوامش او كلام قبله علامه النجمه و راح يكون بلون غير هذي عباره عن الافكار اللي براس نهى
والكلام اللي بين قوسين يكون تعريف بالشخصيات
و في اشياء ماراح تعرفون سببها الا بعدين
3
2
1
نهى بنت تطلقو امها وابوها يوم كان عمرها 2 وعندها اخت اسمها فاطمه عمرها 1 سنه
* "فطومو" : هذا الاسم اللي كانت تناديها نهى دايما فيه لدرجه انها لما تسمع احد ينادي اختها فاطمه تستغرب من الاسم لانها مو متعوده عليه *
عاشت نهى و اختها بعد طلاق امهم و ابوهم فتره مدتها سنة ببيت عمهم
( بيت عمهم عبدالله العم عبدالله : متوفي ، خالتي مريم :زوجته اللي تقريبا كلنا نناديها ماما مريم ،ليلى اكبر بنت وعندها بنت اسمها ضحى ، فاطمه ، منور و فروح )
ماما مريم كانت تهتم ب فطومو و نهى كانت فطوم امها فاطمه كانت حيل متعلقة ب نهى .
( بعد شهور من الطلاق )
ماما مريم : ها ابو نهى شلون نفسيتك الحين انشالله زينه ؟
ابو نهى : والله يا ام محمد مادري شقولج تعبان حيل مو قادر انام ولا اكل .
ماما مريم : يا ابو نهيى مو زين جذي شي صار وخلص انت لا تتعب نفسك وفكر بنفسك الحين لازم تتزوج .
ابو نهى : اتزوج ! و بناتي شنو بسوي لو اللي تزوجتها تقعد تغذبهم و منو الل تبي واحد عنده عيال ؟!
ماما مريم : يعني بتوقف حياتك عشان نهى و فطوم كاهم عندي و شحلاتهم و بيتي كله بنات يعني كلنا بنهتم فيهم انا اصلا ابيهم .
ابو نهى : ابي بناتي يكونون عندي انشالله بس اغير الشقة اخذهم منكم .
ماما مريم : شنو!! بتعيش بدون زواج و بتاخذ البنات عندك !
ابو نهى: اي مابي شي بالدنيا غير بناتي .
ماما مريم : ابو نهى ماراح تاخذهم من بيتي الا اذا تزوجت .
(بعد العرس )
- ليلة العرس نهى و فطوم كانو ببيت عمهم مع الخدم والكل بالعرس -
فاطمة : جاندراااااااا
جاندرا: نعم ماما .
فاطمة: وين بيبي نهيى و فطوم ؟
جاندرا: ماما فطوم نايم نهى يبكي يبكي يبي ماما بعدين نوم .
فاطمة : يمااا شفتي قلت لج لا نخليها بالبيت البنت قعدت تبجي تدور علينا حرام والله حرام مو كافي صارلها اسابيع تبي امها :@
ماما مريم : يمه شنسوي بعد لو ماخذينها جان لعوزتنا بالعرس .
(بعد اسبوعين من العرس )
حنان : حبيبي متا راح تييبهم انا اصلا ابيهم ما يصير جذي يقعدون عند بيت عمهم و بيتنا موجود .
(حنان: زوجة ابو نهى. )
بو نهى : انشالله حبيبتي انشالله بعد جم يوم .
( ببيت اخو ابو نهى )
ليلى : شوفي حنان نهى ترا حيل ذكيه و بقولج عن جم شي تعودت ان قبل لا تنام نقول لها قصة ليلى والذيب البنت ترا حافظة القصة ،
اخذي هالورقه كاتبه القصة بالحرف لان اذا قلتي شي زايد او نقصتي راح تستلمج اساله ليش و ليش .
حنان: ههههههههههه ما عليج انا قبل كنت اشتغل بحضانه .
فاطمه : حنان حطي بالج على بنتي .
( بعد اربع سنين )
ماما حنان: نهى خلي عنج التلفزيون و تريقي ترا ابوج راح يعصب ومايعطيج مصروف المدرسة و شوفي فطوم شحلاتتها تتريق و تسمع الكلام .
نهى: انشالله ماما .
بعد ماردت من المدرسه
نهى : ماما عطوني الشهادة :eh_s(9):
ماما حنان: :O شنو هذاا !!!!:eh_s(4): ليش ناقصة نص درجة بالرياضيات ؟ بارك الله فيج يايبه 98.5 بس لازم اشد عليج بالرياضيات ،
احط لج الغدا تاكلين عشان نبلش دراسة يلا بدلي وتعالي .
نهى: مابي مو يوعانه.
ماما حنان : ممممم ما تبين ؟ اوك عيل ماكو "شي " ؟
*"الشي" : كنا نلقب الحلويات او البطاط ككاو يعني ماما ابي شي قصدنا ان ماما ابي ككاو او عصير او بطاط وال "شي " ما نحصله الا اذا كنا
حالين واجبات او يايبين شهادة و متفوقين او ناكل الغدا كله .*
نهى: لا ماما خلاص الحين ابدل واكل .
و هالسيناريو كان يتكرر لين صار عمري 9 سنين واختي فطوم 8 و سارون 5 سنين
انا و فطوم اكتشفنا حركة عشان نحصل الشي بدون ما ناكل كنا انا و فطوم ناكل لين يبقا بالصحن ربع ننطر امي تروح غرفتها او المطبخ ونحطة بصحن
سارون المسكينه .
نهى: ماما يلا ترا انا و فطوم كلينا كل شي نبي شييييييييي:eh_s(9): .
ماما حنان : انزين اصلي واعطيكم.
نهى: فطوم تعالي بقولج شي .
فطوم : نعم
نهى: ماما حنان ترا هاذي مو امنا امنا شكلها غير امي توديني العاب قبل و كله تشتريلي ككاو والعاب .
----------------------------------------------------------
طبعا لما كبرت قالتلي ماما مريم ان ماما حنان سمعتني وانا اقول حق اختي هالكلام
بعد جم سنه (سنتين او 3 ) كان رمضان و كنت توني رادة من المدرسة ابوي خذاني انا و فطومو قال نهى تدرين منو اليوم دق علي ؟
نهى: منو بابا؟
* كنت مستانسة عبالي ابلة العلوم داقة عليه عشان في رحله بعد العيد حق المركز العلمي*
بابا : امج دقت واليوم راح تروحون عندها تتفطرون .
انا : بس انا اليوم قايلة حق ماما حنان تسويلي جلي و لقيمات .....................
.......................
رديت البيت لما شفت ماما حنان لميتها حيل و بست راسها و دشيت غرفتي ابجي بعدين دشت وراي تبجي يمكن كانت تبجي لان ما تبينا نفضل امي عليها او عشان
انا ابجي
ماما حنان: حبيبتي خلاص لا تبجين يلاا بدلي عشان تشوفين ماما
طبعا هاذي كانت اول مره اشوف امي من كان عمري 4 سنين
امي بدور ما كنت اعرف اناديها ماما او امي او يما لما كنت اكلمها كنت اتكلم على طول بدون ما اقولهم .
نطرناها عند جمعية السالمية
بابا: مو تاذون امكم و تزعجونها فاهمه نهى ؟
نهى : انشالله بابا ، بابا بوريها شهادتي و بقولها اشياء وايد .
بابا: انشالله انشالله ، يلا كاهي وصلت نزلو عندها و صيرو خوش بنات .
*اختي فطوم ماكانت تدري عن شي كانت معانا بس وجودها وعدمها كان واحد لانها ما تعرف امي و ما تكلمت من رحنا حق امي و لين ردينا البيت واهي سايلنت *
ماما بدور: نهوووووووووووووي اشتقت لج تعالي وانتي تعالي يالنتفة متا كبرتو ؟
ركبنا السيارة ....
انا : ماما شوفي شهادتي انا متفوقة ، ماما وين بنروح ، ماما وين يدي و يدتي ؟
امي بدور : ههههه نهوي ليلحينج قرقه وبس تسالين خلي اختج بعد تتكلم بنروح ،
بنروح شقتي نطالع تلفزيون و نتفطر بعدين اوديكم الالعاب شرايكم .
انا : الله وناسه .
فطوم : سااااااااايلنت للابد .
لعبنا وقعدنا معاها كنت افكر ماما وايد زينه ليش اهي مو معانا بالبيت
-------------------------------------------------------------------------
هذا اول بارت انشالله تحبونه واذا كنتو صج حابينه راح انزل البارت 2
made with love
