دروب الشك ............. ( 1)

هل تتوقعون اننا نشوف الدنيا على حقيقتها ؟

السماء هل هي فعلا زرقاء ..و المزارع خضراء ..و الرمال صفراء ؟؟

الماء هل هو سائل .. والجليد صلب ؟؟

الخشب هل هو جامد زي مانشوفه بعيوننا ونلمسه بيدينا ؟؟

الزجاج هل هوشفاف .. والجدران صماء ؟؟


الجواب :- بكل بساطه ..... لا .

هذا اللي احنا نشوفه.. ونحسه .. لكنه ابدا .. ماهو الحقيقه ..

النور .. الابيض العادي .. احنا نشوفه ابيض ..ولو مررناه خلال منشور زجاجي.. بيتحلل لسبعة الوان ..( الوان

الطيف السبعه ..الاحمر والبرتقالي والاصفر .........) واذا جينا نبي نشوف وش هي هالالوان اساسا؟؟

مانلقاها الوان اصلا ؟؟؟

نلقاها عباره عن موجات .. كلها موجات ..بس تختلف في اطوالها ..وذبذبات تختلف في تردداتها.. والعين ما

تقدر تشوفها كموجات .. ولا كذبذبات .. لكن الخلايا العصبيه في قاع العين تتأثر بكل نوع من هذه الذبذبات

بشكل مختلف ..ومراكز البصر في المخ تترجم هذا التأثر العصبي على شكل الوان ..ولكن هذه المؤثرات

الضوئيه في الحقيقه ليست الوان ..ابدا ليست الوان لانه لا وجود للألوان ..فقط موجات وذبذبات ..

عشان كذا وانت صغير ..لسا بادي فيك الاحساس .. شافت عينك موجه وترجمها مخك ( بلغته الاصطلاحيه) ..

الى لون .. (عشان يميزها عن باقي الترددات والذبذبات )..وقالت امك ان هاللون ازرق ... اعرف وقتها انه

ابتدت معاك حكاية الالوان ..



طيب... المزارع هل هي خضراء فعلا ؟؟

اكيد لا ..

لان اوراق النبات تمتص كل امواج الضوء بكافة اطوالها .. الا موجه وحده ..وهالموجه تدخل بدورها في عيوننا

وتؤثر في خلاياها ..فيعطيها المخ اصطلاحيا اسم ( اخضر ) ..

وبهالطريقه ..اي لون ..ماهو لون .. بس هو مؤثر( موجات وذبذبات ) ..يفرقها المخ عن بعضها بإنه يعطيها اسم يفرقها به عن غيرها ..

خلوني اعطيكم مثال اوضح ..على اننا مانشوف الدنيا على حقيقتها ..

وش الفرق بين الماء والثلج وبخار الماء ..

كلها شي واحد .. بس الثلج .. الهيدروجين والاكسجين .. متقاربه جدا عشان كذا نشوف الثلج جامد .. ونحسه

جامد .. والمويه نفس التركيبه .. بس الذرات متباعده شوي .. نشوفها سايله ..والهواء اكثر تباعد .. لذا مانحس به بايدينا ..

يعني لو كان نظرنا اقوي بكثير .. هل تتوقعون بنشوف الثلج جامد ؟؟؟؟

اكيد لا .. لان فيه مسافات بين ذراته ..

الجدار وهو جدار .. فيه خلخله كبيره بين ذراته .. لو كان نظرنا قوي كثير كان شفنا اللي وراه ..

واصلا لو نظرنا في قوة اشعه اكس ... كان شفنا بعض ..هياكل عظميه تمشي على الارض .. فياسبحان الله ..

فيه اشياء كثيره في هالكون مانشوفها ولا نسمعها ولا نحسها ..فالامواج فوق البنفسجيه ..مانشوفها اصلا ..

وتحت الحمراء .. مانشوفها ..

وفيه حاجات نشوفها مالها وجود اصلا ؟؟؟؟؟؟؟

مثل بعض النجوم اللي نشوفها في السماء .. يبعد بعضها عن الارض 500 مليون سنه ضوئية .. يعني يحتاج

ضوئها عشان يوصل للأرض 500 مليون سنه .. فلما تناظر للسماء في الليل ... فانت تشوف السماء قبل 500

مليون سنه ..

والله اعلم .. النجوم في هاللحظه اللي انت تناظر فيها السماء وينها ؟؟ اندثرت .. والا انصدمت .. والا انفجرت .. والا وينها ..

عرفتوا الحين .. انه ممكن نناظر في اشياء مالها وجود اصلا ..

واشياء مو جوده مانشوفها ..

واشياء موجوده نشوفها غلط...

عرفتوا الحين اننا اسرى للي نحس به .. اسرى لحواسنا ..وان هالحواس تضللنا كثير ..

حكمنا ان فيه الوان ..وهي مو موجوده ..

حكمنا ان الجدار جامد .. ومافيه اي فراغ نهائيا .. وهو مخلخل ..

حكمنا على السماء .. والنجوم والكواكب .. وحكمنا متأخر 500 مليون سنه ..


إن اداركنا للحقيقه .. دائما يكون منقوص .. او مشوش .. او معدوم .. ولكن الحقيقه ..تبقى قائمه كما هي .

الادراك ؟؟؟؟؟؟؟

وش هو الادراك ؟؟؟؟؟



وللموضوع بقيه

موضوع رائع

ويستحق القراءه

شكرا لك مغربل


تحياتي لك

مغربل :

اقتباس:

---

مثل بعض النجوم اللي نشوفها في السماء .. يبعد بعضها عن الارض 500 مليون سنه ضوئية .. يعني يحتاج

ضوئها عشان يوصل للأرض 500 مليون سنه .. فلما تناظر للسماء في الليل ... فانت تشوف السماء قبل 500

مليون سنه ..

---

من صجك يامغربل

والله غربلت روسنا
اجل اكيد الانسان اللي واقف قدامك مو انسان اصلاً .......... :rolleyes:


تحياتي

الوزير

موضوع رائع من انسان رائع


بس

يامغربل بصراحة شككتني في نفسي

لايكون الاعضاء مندثرين من زمان

وانا لوحدي المتواجد في المنتدى حالياً


تحية عطرة

سبحان الله الخالق

له حكمة في كل شيء

معلومات قيمة ومفيدة وصيغت باسلوب مغربل المتميز


ننتظر بقية الموضوع

تحياتي لك

سبحان الله

كل هالاشياء اللي تحدث قدره عظيمه من الله

بس الانسان اذا تامل وفكر بيكتشف هذي العجائب في الدنيا

موضوع جدا روعه

تسلم اخوي مغربل

تحياتي لك

هالله هالله على الفيلسوف افلاطون والعالم نيوتن


مااشااء الله اشلون جبتها؟؟؟؟؟؟




صجججج مخفي صار اب سايد نادون
مقلوب راسا على عقب


يسلموووووووووووو:برافو:

مغربل

ناقشت نقطه دائمااا كنت افكر فيهااااااا ولكني لا اتعمق فيهاااا ربما لاني لا املك المعلومات الكافيه


دائما كنت اقف عند قوله تعالى حين يصف لحظة الاحتضار (وكشفنا عنك غطاءك فبصرك اليوم حديد)

كنت ابحث عن معنى لهذه الآيه واعلم تماما ان هنالك اشياء نراها ولكنها ليست كما نراهاااا

ساظل متابعه لموضوعك ربما اجد عندك الاجابه التي كانت ومازالت تحيرني

الف شكر لك على هذا الموضوع الممتع بحق

يااا سلام يا مغربل يا سلااام



موضوعك منطقي جداااااااااااااااااااا


وواقع ملموس



وصياغه رااااائعه



ننتظر بقية الموضوع



تحيه لك

هلا اخوي عبدالمحسن ..


شكرا لك على مرورك ..

وانا بصراحه استمتع بخواطرك اللي تكتبها كثير ..

اخوكم الصغير
مغربل

أخي فى الله المغربل :

سردك للحقائق السابقة تخلله نوع من الفلسفة العلمية إضافة إلى معلومات منطقية ..........

ولو قلنا بأننا لانري الألوان كما هي وليست موجودة بالشكل الذى نراه فالتفسير الوارد كذلك يؤكد أن هناك شيء أعظم مما نراه ..... وهناك عالم غيبي .......وهذا لاريب فيه........

أمَّا عن قولك النجوم :

فأجيبك بأنك هنا قد تكون أصبت كبِد الحقيقة حيث أن العلماء الفلكين في هذا الزمن قالوا:

بأن مانراه من ضوء نجم ماهو سوى الضوء المنبعث منذو سنين وهو حينما وصلنا فقد غادر مكانه منذ أمد بعيد ثمَّ.....

جاء بعض علماء المسلمين فقالوا:

ونحنُ لدينا في كتاب الله مايثبت ذلك وقرأو قوله تعالى:" فلاأقسمُ بمواقِعِ النجُوم وإنه لقسمُ’ لو تعلمون عظيم"......

فمن منطلق المعنى الوارد للآية بأن القسم للموقع وليس للنجم وأنه أمر’’ جلل وعظيم فسبحان من بيده ملكوت كل شيء وهو على كل شيء قدير........

تحية تليق بقلمك يامغربل......... المنتدى.........