متى الحل للفئة المظلومة ؟ وين يتوظفون؟

بسم الله الرحمن الرحيم


شلونكم بنات شخباركم ان شاء الله طيبين :eh_s(8):

هالموضوع يخص فئة البدون اللي اغلبهم الحين عنده شهايد عالية ومن جامعات خاصة دافع فيهم دم قلبه وبالاخير ماكو وظايف..

اوك احنا مقتنعين ان بالحكومة مافي وظايف لنا .. لكن للاسف حتى القطاع الخاص صار ما يبي بدون

واذا وظف بدون عنده ينذل وما يرتاح باله ويداوم شفتين على 200 دينار وفي منهم متزوجين يصرف على نفسه ولا على مرته

والله اني اعرف ناس ما يبون عيال بعد لان مو عارفين من وين يصرفون عليهم

حالتنا صعبة عندنا شهايد وتعبنا وندور وننذل على ما نلقى وظيفة بالاخير مو مرغوبين فينا بأي لحظة يقول لنا باي


انا الحين عندي دبلوم بنوك من التطبيقي
وعندي شهادة كمبيزتر وانجليزي من معاهد خاصة

توظفت بعيادة بس الله لا يوريكم التعب اللي فيني احس نفسيتي اكس اداوم من 9ونص لين 1 ومن 4 ونص لين 9 على ما اوصل البيت 9ونص ولا 10 الا ربع


شي يتعب ويقهر ويخلي الواحد يتحسف ويتحسر على عمره


القطاع الخاص بدال ما يجيب وافدين ويحط لهم اقامة وممكن يدفع لهم الاقامة او السكن


مو عيال الديرة اولى فيها ... ؟؟


غير جذي بالناس اللي تستهزئ فينا وتقول روحوا اشتغلوا بسوق ولا محل مكياج ولا حلويات

صح الشغل مو عيب . بس احنا بدو بنات حمايل وقبايل صعب نشتغل بأماكن نفس جذي


شوفي النظرة اللي بتنظرها الناس لنا

لو كنت ريال عادي اشتغل بأي مكان

بس احنا بنات صعب علينا هالاشياء


بنات لا تلوموني لو كتبت هالشي ... لان شي يتعب النفسية ويقهر



سوري بنات على هالفضفضة :eh_s(2):