عيالي الله يرحمهم والحلم والكويت

السلام عليكم ورحمة الله وبركاته
أنا من دولة خليجية حابة اقولكم حلمي الغريب
فالبداية أنا ام لثلاثة اطفال متوفين الله يرحمهم بعد معاناة مع مرض غريب حيث انولدوا طبيعين وبعد 4 سنوات يبدأ أعراض المرض ويفقدون كل شي بالتدريج لين ما يتوفون وبعد عرض المرض على اكثر من دولة اوروبية اكتشفوا انه اسمه ساكس تاي

الحلم
حلمت أني كنت ساجدة اصلي وأدعي ربي في السجود انه يفك السحر عني وتميت ادعي وأدعي لين ما ظهر لي وانا ساجدة تحت جبهتي شكل ريال مليان ساحر واذكر شكله على اساس انه هو مسوولي *** وبعدين خلصت الصلاة ويتني خدامة سيلانية طولها 159 تقريبا سمراء البشرة ويها اشوي طويل مب وايد وبشوشة ويتني بعد الصلاة على طول وتسلم علي باليد وابتسامة مشرقة وقالتلي ما عرفتيني أنا كنت خدامة اشتغل عندكم من زمان وشفتي عيالج الثلاثة الي راحوا عنج أنا تراني الي سويت لكم السحر والحين أنا اشتغل في الكويت وتوني سويت *** لأربع إخوان والحين توهم يمشون ويطيحون وبيستوي حالهم نفس عيالج
وسبحان الله نشيت من الحلم خايفة وما خبرت حد وانا طالعة من الدوام وامشي بسيارتي فحالي وحدة دعمتني بدون سبب تقول فجأة سرحت ما اعرف ليش ودعمتني والغريب الضربة يتني على جبهتي نفس المكان الي حلمت فيه وانا ساجدة وشفت الساحر

الله يبعد عنا كل شر ويحفظنا امين

رجاء خاص لاتنسون أذكار الصباح والمساء لانها تحمي الانسان من المصايب
والله يحفظ الجميع يارب