من كانت اذنه للمناصيح طرشا
[poem=font="Simplified Arabic,4,black,normal,normal" bkcolor="transparent" bkimage="backgrounds/23.gif" border="none,4,gray" type=2 line=0 align=center use=ex num="0,black"]
به ناس تاخذ رحلة العمر ممشا=وناس تسير ابلا دليل(ن) وبرهان
وناس تخاف الخالق الله وتخشا=وناس(ن) من اسباب الجهاله لها شان
وقت(ن)عجيب(ن)ينيش القلب نبشا=لاساق لك ربح(ن) يعّود بخسران
لي ماتغدا بك بسرعه تعشا=احذر من اللي جيته ابفضل واحسان
لاتامن ايامك تراها تغشا=ثوب الليالي كذب واضح وبهتان
ياما هموم(ن) عقب لفراح تنشا=اسمع نصيحة شخص عانا من ازمان
ياكم علوم(ن) تهبش الروح هبشا=والروح لي من ضاقت اتضيق لكوان
ومن كانت اذنه للمناصيح طرشا=لاتحسب انه تالي الوقت ربحان
ومن خان عهده واضهر السر وافشا=قصير ماله في الرجاجيل ميزان
ومن كان ودك في فواده ولحشا=بينك وبينه بالوفا صدق وايمان
واجعل ودادك له لحاف(ن) وفرشا=محد(ن) يعوّض صورة انسان بانسان
واحذر تندّم.. تالي العمر نعشا=باب الندامه يفتح هموم واشجان
ضيم القرايب يهبش الجاش هبشا=اكبر مصيبه طعنة اصحاب واخوان
يقوله اللي ماخذ العمر ممشا=إلين ربي يفزع لكل فزعان[/poem]
