العنز صعدت ( طشت)

اغنام - ابل - دواجن - طيور

العنز صعدت ( طشت)

السلام عليكم
اخواني عنديالمعزا وعندي عنز تناطحت مع الثانيه وكنت جالس عند الغنم
المهم وحده استقوت عليها وتناطحن حسيت ان وحده تعورت بظهرها
واشوفها تغير حالها وتربض وتجي الي تنطحها وتعض اذنها ههه
وقومتها ووراها امس جيت الغنم الصباح الا اشوف ماء على حياها ( سبتها )
اكرمكم الله قلت ابنتظرها الى العصر جيت العصر نفس الحالها ولا رمت
رحت لدكتور البيطري قال لازم تجيبها اشوفها يمكن معترض ولدها
اذا مو معترض نعطيها ابره اجهاض
قلت اذا معترض وش تسوي قال ادخل يدي واطلعه
قلت اذا دخلت يدك عزالله انها راحت العنز
والله قلت ابصبر عليها يوم يومين مدام حالها تمام تاكل وتشرب وتمشي
اليوم الحمدلله لقيت ولدها طاشته بالمراح قلت الحمدلله ليا سلم العود الحال تعود
بس اللي محيرني سلاها ماشفته مدري هي اللي تطش بدري لها سلى ولا شلون
وش اسوي يااخوان الحين وش الاشياء اللي لازم اسويها بمثل هذي الحاله
وجزاكم الله خير

المصدر: منـتـديات أغـــنـام - من قسم: >المنتـــدى الطــبي

hguk. wu]j ( 'aj)