الرد على موضوع مذهـــله في موضوع دلع البنات >>> كيف تكون تمساحاً اصلي
اذا تبغى البنات من بكرا عند باب بيتكم يرمون الارقام ويغازلونك اسمع كلام ابو الحوانيت واعمل بنصائحي (يقاله يقلد مريم نور )
يالله طبقوا هالنصايح ورايح تكون من بعدها تمساح وعليك ماركة الجوده
1- وانت تتكلم هز براطمك مره يمين ومره يسار وحاول مع كل هزه لبراطمك انك تنزل منديل وتمسحها اللى هي براطمك جعل براطمك البط
2- حاول تستمع لكلام الخصم (أي خصم ) تفرقع عيونك يعني افتحها على اكمل وجه كذا تبين انك تمساح وتشوفك البنت تحس انك شايف برتني ولا جينفر لوبيز
3- صوتك ارفعه قدر ماتقدر لين يسمعون الجيران ويحسون ان في مطاقه وهذا المطلوب
4- حركه ايدينك خلها بطريقه كل شوي ايد على البطن وايد على العضلات على شان يقولون هذا اللي خليفه تايسون
5- في الفاظك ركز على كل كلمه خشنه وادراج وسط كلامك الكلمات اللى داخله عرض وانتبه من أي كلمه خاطفه خطيره مثل ياي ولا وجع انتبه كذا تطيح من قاموس الشله المصنف من كتاب لا تصيح فانت من شله التماسيح
6- المشيه يابوي خلها عفويه الرجلين متباعده الصدر مرفوع مشكول الحركات عريض المنكعين شلولخ
7- الضحكه خلها وكأن عندك كحه مستمره مزمنه وياريت تكون من نوع هع هع هع احسن
8- في المواقف المحرجه لا جاتك بنت تحاول ترقمك اذا مسكت نفسك وماسطرتها حاول انك تسبها على بالك مزح
9- اسمع يابوي عند الاكل انسى شئ اسمه واحد يراقبك كانك قاعد لحالك ولك شهر ماكلت كل وسعبل على نفسك ولا يهمك احدخل اللى قدامك يحس انه في حمام بخار وخذ من صحن اللى قدامك وحاول انك وسط اكلك تكثر من الكلام اللى فيه حرف ثاء او سين لانه يعطي المكان رونق خاص طبعا رذاذ من فمك يابو تمسح
10- جينا للبس حاول انك تلبس من كل لون قطره يعني كل الالوان يعني حاول يكون لبسك احد اعلام جيبوتي او موزمبيق والشله ذي وحاول انك تظهر في لبسك العضلات والكرشه والكراعين قصدي الركب هذا يعطي اغراء اكثر وياريت تحني رجولك وانت طالع يقولون لها سحر خاص على البنات
