السلام عليكم
اللي حصل أمس لمحمد الفايز من جماهير الاتحاد أنا أختلف مع اللي عملته الجماهير صحيح كلنا زعلانين من إدارة الفايز ونبغاها ترحل بس ماينفع تصرف زي كذا رجل كبير في السن برضوا أخلاقنا الاسلاميه ترفض التصرف هذا قد يكون اللي حصل جزاء من رب العالمين للي عمله مع نور وباقي اللاعبين بس كذا بنشوه صورتنا قدام الجماهير الثانيه وبعدين نزعل لما يقولوا خدم ولا نيجيريا لازم نرقى شوي بتصرفاتنا وتفكرينا أنا أول واحد أتمنى رحيل الإدارة لكن ماينفع ترحل الإدارة ومافي خطه بعد رحيل الإدارة بنصير زي أكثر الدول اللي أخرجت رؤسائها وبعدها صاروا ضايعين ومنقسمين .
محمد نور
أشكر الجماهير الوفيه اللي هتفت بإسم أسطورة الإتحاد والكره السعودية محمد نور وماجزاء الإحسان إلا الإحسان أتمنى التوفيق لمحمد نور وأتمنى إذا ماكان في فرصة للإتحاد أنه ياخذ الدوري أتمنى النصر ياخذه لعيون ابو نوران والله نور قرب قلوبنا للنصر بعد انتقاله أتمنى له التوفيق وأنتظر عودته لبيته الأتحاد ولجمهوره العاشق لهذه الأسطوره
