عااااااجل اقالة بيريرا

لا اعتقد في جمهور نادي في العالم يصير فيه هذا التناقض مدرب له سمعه وحقق مع بورتو نتائج كبيره مااختلفنا مااقتنع في بالومينو واخترعوا له قصه وقالو يبغى اوروبا وجاب موسورو قلنايمكن ماتعود على الاجواء وراح يتحسن مستواه وصبرنا عليه .. قدر الله علينا واصيب العمده وحضر سوك قلنا الموضوع جا فجأة وبديل العمده لم يكن في المستوى... تخلى عن لاعبين مميزين من الاوليمبي وقلنا له نظره فنية مختلفة قعد يتفلسف في المباريات ويضيع النقاط ويقول يبغى يستحوذ على الكره اكبر وقت قلنا طريقته في اللعب مع ان طريقته واضح انها لاتتناسب مع عناصر الفريق ومع طريقة الفريق اللذي تعود عليه من عشرات السنين تخلى عن فيكتور ويونس في مباراة مفصليه تحدد التنافس على الدوري من عدمه وخسر ايش باقي يسوي معانا يخسر الفريق اهم عناصره الاجنبية وانتم تنظرون

والادهى الاداراة لاتهتم برأي الجمهور لماذا لانعتبر من الدروس الماضية البرازيلي فارياس حضر لنا وهو بطل اسيا وطريقته مامشيت مع الفريق وطلب اجانب وشرد للامارات مانويل جوزيه حضر من الاهلي المصري وهو المدرب الاسطوري ومانجح مع الاتحاد .

في بعض الجماهير تعتقد انه بريرا ساحر مو مدرب ممكن ينجح وممكن يفشل لا تعطوه كامل الحرية ويلعب فيكم ويروح زي ماراح غيره وترككم بحسرتكم على تفريطكم في النجوم .